പൊന്കുന്നം: പൊന്കുന്നം ടൗണ് മുതല് കെവിഎംഎസ്സ് ജംഗ്ഷന് വരെയും, പഴയചന്ത, അമ്പലം-കോളനി റോഡിലെ ഇരുസൈഡിലെയും, പി.പി. റോഡ് അട്ടിക്കല് കവല, ചിറക്കടവ് റോഡില് മുസ്ളീം പള്ളി വരെയുള്ള ഭാഗത്തായി അനധികൃതമായി നടത്തിവരുന്ന പാര്ക്കിംഗ് നിരോധിക്കുവാനുള്ള നടപടി സ്വീകരിക്കണമെന്ന് ടൗണ് ഡവലപ്പിംഗ് കൗണ്സില് ആവശ്യപ്പെട്ടു. ഫുട്പാത്തിനായി സ്ളാബ് ഇട്ട് നീക്കി വെച്ചിരിക്കുന്ന സ്ഥലത്ത് വഴിനടക്കുവാന് ജനങ്ങള്ക്ക് നിവൃത്തിയില്ല. ഓണം സീസണ് മുന്നില് കണ്ടുകൊണ്ട് സത്വര നടപടികള് ഉടന് സ്വീകരിക്കുകയോ, ഇല്ലെങ്കില് വ്യാപാരി വ്യവസായ സംഘടനകള്, പഞ്ചായത്ത് അധികൃതര് മറ്റ് വേണ്ടപ്പെട്ട സംഘടനകളെയും പങ്ക്ചേര്പ്പിച്ച് യോഗം വിളിച്ച് ചേര്ത്തു പരിഹാരം കാണണമെന്നും പൊന്കുന്നം ടൗണ് ഡവലപ്പിംഗ് കൗണ്സില് അഭിപ്രായപ്പെട്ടു.രക്ഷാധികാരി റ്റി.വി.വര്ഗ്ഗീസ് അദ്ധ്യക്ഷതവഹിച്ചു കെ.എം.ദിലീപ് പ്രമേയം അവതരിപ്പിച്ചു. പ്രസിഡന്റ് പി.എ.അബദുള്റഹിമാന് , അഡ്വ. ബോബന് മണ്ണാറത്ത്, റ്റി.വി.വര്ക്ഷീസ് ജനറല്സെക്രട്ടറി ആര്.എസ്സ്. അജിത്കുമാര്, മോഹന് റാം, റോബിന് മറ്റപ്പള്ളി, കെ.എ ജോയി, റ്റി.എച്ച്. സലീം, പ്രദീപ് ഗോപി, കെ.ബി.മനോജ് ഷിജോ സി.എസ്സ്. എന്നിവര് സംസാരിച്ചു തോമസ്സ് പുളിക്കന് സ്വാഗതവും പി.എസ്സ്. സലാഹുദീന് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: