14.08.16 ലെ ജന്മഭൂമിയില് പി.ബി. മഹേശ്വരന്പിള്ള എഴുതിയ കുറിപ്പിനെ ആസ്പദമാക്കി ചില കാര്യങ്ങള്.
ഇതൊരു ചോദ്യമാകേണ്ടതില്ല. മനോരമയുടെ അജണ്ട അത്ര രഹസ്യമൊന്നുമല്ലല്ലോ. കത്തിലെ മറ്റൊരു കാര്യം ആദ്യം പറയട്ടെ.
എഡി. 52ല് മാര്ത്താമോശ്ലീഹ കേരളത്തില് വന്നുവെന്ന് മലങ്കരസഭ പറയുന്നതിനെപറ്റി ഒരു അജണ്ട നേരത്തെ പ്രവര്ത്തിച്ചു. സി.എല്. ആന്റണി ശാസ്ത്രീയമായ പഠനത്തിലൂടെ ഇതൊരു നുണയാണെന്ന് തെളിയിച്ചിട്ടുണ്ട്. സി.എല്. ആന്റണിയുടെ ഓര്മ്മകള് എന്ന പുസ്തകത്തില് ഷൊര്ണൂര് കാര്ത്തികേയന് ഇക്കാര്യം വ്യക്തമാക്കുന്നു. രാമായണത്തിലും മഹാഭാരതത്തിലും അയ്യായിരവും പതിനായിരവും വര്ഷം മുമ്പത്തെ ഭാരതീയ ജീവിതത്തിന്റെ സര്വമേഖലകളും വിശദീകരിക്കുന്നുണ്ട്. കൂട്ടത്തില് കാലത്തെപറ്റിയും വ്യക്തമായ സൂചനകളുണ്ട്.
കൃഷ്ണസമാധിയില് തുടങ്ങിയ കലിവര്ഷം ഇപ്പോള് 5018 ആണല്ലോ. ഗോകുലങ്ങള്, ഋഷിവാടങ്ങള്, ഗുരുകുല വിദ്യാഭ്യാസങ്ങള് തുടങ്ങിയവ അന്നു നിലവിലുണ്ട്. അതിന് എത്രയോ മുന്പ് ഋഷിവാടങ്ങള് മാത്രം ആശ്രയമാക്കി ജനങ്ങള് ജീവിച്ച കാലമാണ് ശ്രീരാമന്റേത്. ദ്വാപരയുഗാന്ത്യകാലത്തിന് 4000 വര്ഷത്തിന് മുമ്പായിരുന്നു ശ്രീരാമന്റെ കാലമെന്ന് എത്രയോ ചരിത്രഗവേഷകരും പണ്ഡിതന്മാരും തെളിയിച്ചിരിക്കുന്നു. എത്രയോ പാശ്ചാത്യ ഗവേഷകരും ഇതു സമര്ത്ഥിച്ചിട്ടുണ്ട്.
ഇതിനെ മാനുഷ്യക സംസ്കൃതി എന്നനിലയില് ആദരിക്കാന് അല്ലാതെ അവഹേളിക്കാന് ശ്രമിക്കുന്നവരോട് ക്ഷമിക്കുക. അവര് ചെയ്യുന്നത് എന്താണ് അവര്ക്ക് അറിഞ്ഞുകൂടാ.
ദേശദ്രോഹ ചിന്തകള് വളര്ത്തിയെടുക്കാന് ചിലരൊക്കെ പെടാപ്പാടുപെടുന്നു. ഇത് ചൂണ്ടികാണിച്ച മഹേശ്വരന് പിള്ളയ്ക്ക് നന്ദി.
ബാലന്മാരെ രമിപ്പിക്കാന് ശ്ലീഹയെപറ്റി അശ്ലീലം പറയേണ്ട ആവശ്യമില്ലായിരുന്നു മനോരമയ്ക്ക്. പകരം ഹിമാലയത്തിന് ഹിന്ദുക്കള് അവകാശപ്പെടുന്ന ഉയരമൊന്നുമില്ലായെന്ന് വാദിക്കുകയായിരുന്നു നല്ലത്.
പി.നാരായണകുറുപ്പ്, തിരുവനന്തപുരം
