100 രൂപയുടെ പുതിയ നോട്ട് വരുന്നു. 2005 ലെ മഹാത്മാഗാന്ധി പരമ്പരയില്പ്പെട്ട പുതിയ മൂന്ന് സവിശേഷതകളോടുകൂടിയ ഈ നോട്ടുകള് റിസര്വ് ബാങ്ക് ഉടന് പുറത്തിറക്കും. ഇന്സെറ്റ് അക്ഷരങ്ങള് ഇല്ലാത്തതായിരിക്കും ഇത്.
107 പേര് സിപിഎം ശക്തികേന്ദ്രമായ കാസര്കോട്ടെ കുറ്റിക്കോലില് സിപിഐയില് ചേര്ന്നു. സിപിഎം മുന് ഏരിയ സെക്രട്ടറിയും 15 സജീവ പ്രവര്ത്തകരും പാര്ട്ടിവിട്ടവരില്പ്പെടുന്നു. മുഖ്യമന്ത്രി പിണറായി വിജയന് നടത്തിയ ചര്ച്ച പരാജയപ്പെട്ടു.
150 മീറ്റര് നീളമുള്ള പടുകൂറ്റന് ആയുധ നിലവറ മഹാരാഷ്ട്ര രാജ്ഭവന്റെ അടിയില് കണ്ടെത്തി. ബ്രിട്ടീഷ് ഭരണകാലത്ത് നിര്മിക്കുകയും സ്വാതന്ത്ര്യാനന്തരം അടച്ചിടുകയും ചെയ്ത ഈ നിലവറയില് പല വലിപ്പത്തിലുള്ള 13 മുറികളുണ്ട്.
163 റണ്സിന് മൂന്നാം ടെസ്റ്റില് ഓസ്ട്രേലിയയെ തകര്ത്ത് ശ്രീലങ്ക പരമ്പര തൂത്തുവാരി. ചരിത്രത്തിലാദ്യമായാണ് ശ്രീലങ്ക ഇത്തരമൊരു വിജയം നേടുന്നത്. ടെസ്റ്റ് ക്രിക്കറ്റില് ഒരിക്കലാണ് ഓസീസിനെ ശ്രീലങ്ക പരാജയപ്പെടുത്തിയിട്ടുള്ളത്.
200 ഓളം പേരെ മലയാളി നഴ്സ് ചിക്കു റോബര്ട്ടിന്റെ വധവുമായി ബന്ധപ്പെട്ട് പോലീസ് ചോദ്യം ചെയ്തു. ഒമാന് പോലീസിന്റെ കസ്റ്റഡിയിലായിരുന്ന ഭര്ത്താവ് കോട്ടയം സ്വദേശി ലിന്സണ് തോമസിനെ നിരപരാധിയാണെന്ന് കണ്ട് മോചിപ്പിച്ചു.
