ഇസ്താംബുള്: തുര്ക്കിയിലെ കിഴക്കന് നഗരമായ വാന് സിറ്റിയിലുണ്ടായ കാര് ബോംബ് സ്ഫോടനത്തില് മൂന്നു പേര് കൊല്ലപ്പെട്ടു. നിരവധി പേര്ക്ക് പരിക്കേറ്റു. വാന് സിറ്റിയിലെ ഇപ്പക്യോലു ജില്ലയില് പോലീസ് ആസ്ഥാനത്തിനു നേര്ക്കാണ് ആക്രമണം നടന്നത്.
സ്ഫോടനത്തില് പരിക്കേറ്റവരെ ആശുപത്രിയില് പ്രവേശിപ്പിച്ചു. ഇവരില് പലരുടെയും നില ഗുരുതരമാണെന്ന് ആശുപത്രി വൃത്തങ്ങള് അറിയിച്ചു. മരണസംഖ്യ ഇനിയും ഉയരാന് സാധ്യതയുണ്ട്. കുര്ദിസ്ഥാന് വര്ക്കേഴ്സ് പാര്ട്ടി (പികെകെ) ഭീകരര് സ്ഫോടനത്തിന്റെ ഉത്തരവാദിത്തം ഏറ്റെടുത്തു.
