കെ. സേതുമാധവന്
ലക്നോ: രാഷ്ട്രവിരുദ്ധ ശക്തികള്ക്കെതിരെ വിദ്യാര്ത്ഥികളില് ബോധവല്ക്കരണം നടത്താനും രാഷ്ട്രനിര്മ്മാണ പ്രവര്ത്തനത്തില് പങ്കാളികളാക്കാനും പൂര്വ സൈനിക പരിഷത്ത് രാജ്യവ്യാപകമായി സെമിനാറുകളും ചര്ച്ചായോഗങ്ങളും നടത്തുന്നു. പൂര്വ്വസൈനിക സേവാ പരിഷത്ത് അഖിലേന്ത്യാ കമ്മറ്റിയുടേതാണ് തീരുമാനം.
പരിഷത്തിന്റെ വനിതാവിഭാഗമായ സൈന്യമാതൃശക്തിയുടെ ആഭിമുഖ്യത്തില് ബലിദാനികളായ ജവാന്മാരുടെ ഭാര്യമാര്ക്ക് പ്രത്യേക സംരക്ഷണത്തിന്നുള്ള പദ്ധതി യോഗം അവിഷ്കരിച്ചു. വീരമൃത്യുവരിച്ച സൈനികരുടെ ജന്മഗ്രാമം മാതൃകാ ഗ്രാമമാക്കും. സ്വാതന്ത്ര്യത്തിന്റെ 70-ാം വാര്ഷികം ജനകീയ കൂട്ടായ്മയാക്കി മാറ്റും.
ഇതിന്റെ ഭാഗമായി സുഭാഷ്ചന്ദ്രബോസിന്റെ ജന്മദിനത്തില് സിങ്കപ്പൂരില് നിന്ന് ചെങ്കോട്ടവരെ ബോധവല്ക്കരണയാത്ര നടത്തും.
കേരളത്തില് നിന്നുള്ള കെ. സേതുമാധവനെ പൂര്വ്വസൈനിക സേവാ പരിഷത്ത് കേന്ദ്രനിര്വ്വാഹകസമിതി അംഗമായി നോമിനേറ്റ് ചെയ്തു. ഇപ്പോള് സംസ്ഥാന സംഘടനാകാര്യദര്ശിയാണ് സേതുമാധവന്.
