തിരുവനന്തപുരം: ഭാരതത്തില് ഭീകരവാദികള്ക്ക് സംരക്ഷണം നല്കുന്നത് ഇടതുപക്ഷമാണെന്ന് യുവമോര്ച്ച സംസ്ഥാന അധ്യക്ഷന് അഡ്വ. പി.കെ. പ്രകാശ് ബാബു. ഭീകരവാദികളുടെ ഈറ്റില്ലമായ കേരളത്തില് ഇപ്പോഴും ഭീകരവാദികളെ പ്രോത്സാഹിപ്പിക്കുന്ന നിലപാടാണ് പിണറായി സര്ക്കാര് തുടരുന്നതെന്
ക്വിറ്റ് ഇന്ത്യാ ദിനത്തോടനുബന്ധിച്ച് ഭീകരവാദികള്ക്കെതിരെ യുവമോര്ച്ച ജില്ലാ കമ്മിറ്റിയുടെ നേതൃത്വത്തില് ഗാന്ധി പാര്ക്കില് നടന്ന ദേശരക്ഷാ ജ്വാലയില് നിന്ന്
നും പ്രകാശ് ബാബു പറഞ്ഞു. യുവമോര്ച്ച ജില്ലാ കമ്മിറ്റിയുടെ ആഭിമുഖ്യത്തില് ഗാന്ധിപാര്ക്കില് സംഘടിപ്പിച്ച ദേശരക്ഷാജ്വാല ഉദ്ഘാടനം ചെയ്യുകയായിരുന്നു അദ്ദേഹം.
സംസ്ഥാന ഭീകരവാദികളുടെ ഈറ്റില്ലമാണെന്ന് ബിജെപിയും സംഘപരിവാര് പ്രസ്ഥാനങ്ങളും ചൂണ്ടിക്കാണിച്ചപ്പോള് അധിക്ഷേപിക്കുകയായിരുന്നു ഇടതുപക്ഷം ചെയ്തത്. യുഡിഎഫ് അതിന് ഒത്താശ ചെയ്തു. മലപ്പുറത്ത് തീയേറ്റര് കത്തിച്ചുതുടങ്ങിയ ഭീകരവാദപ്രവര്ത്തനം ഇന്ന് ഐഎസ് റിക്രൂട്ട്മെന്റില് വരെ എത്തിനില്ക്കുന്നു. മദനിയുടെ ഐഎസ്എസില് ജിഹാദികളുടെ ഐസിലേക്കുള്ള മലയാളികളുടെ റിക്രൂട്ട്മെന്റിന് പ്രോത്സാഹനവും സംരക്ഷണവും നല്കിയത് ഇടതുപക്ഷമാണ്. ഇടതുപക്ഷത്തിന്റെ പിന്തുണയോടെയാണ് ആദ്യ യുപിഎ സര്ക്കാര് ഭീകരവാദവിരുദ്ധ നിയമമായ പോട്ട റദ്ദാക്കിയത്. അഫ്സല് ഗുരുവിനും മദനിക്കും വേണ്ടി നിലപാടെടുത്തത് ഇടതുപക്ഷമായിരുന്നു. വോട്ടുബാങ്ക് ലക്ഷ്യമിട്ടുള്ള ഈ പ്രീണനമാണ് ഭീകരവാദികളെ പ്രോത്സാഹിപ്പിച്ചത്. ഇന്ന് ദല്ഹിയിലും ഹൈദരാബാദിലും ജെഎന്യുവിലും കാശ്മീര് വിഷയത്തിലും സിപിഎം ഇതേ നിലപാടാണ് സ്വീകരിക്കുന്നത്. കണ്ണൂരില് മറ്റൊരു പാര്ട്ടിയെയും വളരാന് അനുവദിക്കില്ലെന്ന് പ്രഖ്യാപിച്ച പാര്ട്ടിഗ്രാമത്തില് നിന്നുള്ള യുവാക്കളാണ് കാശ്മീര് റിക്രൂട്ട്മെന്റില് പങ്കെടുക്കാന് പോയതെന്ന് ഓര്ക്കണം. ഇന്ന് ലൗ ജിഹാദിനുവേണ്ടി കേരളത്തില് ഭീകരവാദസംഘടനകള് 2000 കോടിയോളം രൂപയാണ് ചെലഴിക്കുന്നത്. വ്യക്തമായ തെളിവുകളുണ്ടെങ്കില് മതപരിവര്ത്തനകേന്ദ്രങ്ങളായ തിരുവനന്തപുരത്തെ സലഫിസെന്ററിനെതിരെയോ മലപ്പുറത്തെ സത്യസരണി ട്രസ്റ്റിനെയോ ചെറുവിരലനക്കാര് പിണറായി സര്ക്കാര് തയ്യാറല്ല. ഭീകരവാദികളുമായി സന്ധിചെയ്യുന്ന രാഷ്ട്രീയത്തിന് അന്ത്യമുണ്ടാകണം. രാജ്യത്തിന്റെ അഖണ്ഡതയെ വെല്ലുവിളിക്കാന് ആരെയും അനുവദിക്കില്ലെന്നും പ്രകാശ്ബാബു പറഞ്ഞു.
കാര്ഗില് യുദ്ധത്തിനിടെ പരിക്കേറ്റ സൈനികനായ സുരേഷ്കുമാറും ലൗ ജിഹാദിനിരയായ കല്ലമ്പലം സ്വദേശിയും ചേര്ന്ന് ദേശരക്ഷാജ്വാല പ്രകാശിപ്പിച്ചു. യുവമോര്ച്ച ജില്ലാ പ്രസിഡന്റ് ജെ.ആര്. അനുരാജ് അദ്ധ്യക്ഷത വഹിച്ചു. യുവമോര്ച്ച സംസ്ഥാന ജനറല് സെക്രട്ടറി അഡ്വ. ആര്.എസ്. രാജീവ്, എസ്സി മോര്ച്ച സംസ്ഥാന പ്രസിഡന്റ് അഡ്വ. പി. സുധീര്. ബിജെപി ജില്ലാ പ്രസിഡന്റ് അഡ്വ. എസ്. സുരേഷ്. നഗരസഭാകക്ഷി നേതാവ് അഡ്വ. ഗിരികുമാര് വിവിധ മോര്ച്ചകളുടെ ജില്ലാ പ്രസിഡന്റുമാരായ, ഹേമലത, പ്രശാന്ത്, ഉണ്ണികൃഷ്ണന്, ബിജെപി ജില്ലാ ജനറല് സെക്രട്ടറി, സജി പാപ്പനംകോട് യുവമോര്ച്ച ജില്ലാ ജനറല് സെക്രട്ടറിമാരായ സി.എസ്. ചന്ദ്രകിരണ്, പൂങ്കുളം സതീഷ്, മണവാരി രതീഷ്, ജില്ലാ ഭാരവാഹികളുടെ അഡ്വ. രഞ്ജിത്ത് ചന്ദ്രന്, ബി.ജി. വിഷ്ണു, പ്രഭാത്, വിഭാഷ്, ഉണ്ണികൃഷ്ണന്, അനുരാഗ് എന്നിവര് നേതൃത്വം നല്കി.
