കുറവിലങ്ങാട്; കെഎസ്ടിപി എംസി റോഡ് നവികരണത്തിന്റെ ഭാഗമായി കുറവിലങ്ങാട് ടൗണില് നിര്മ്മിച്ചഓടകള് ചതിക്കുഴികളായി അപകടങ്ങള്പെരുകിയവാര്ത്തകളേത്തുടര്ന്ന് അടിയന്തിരപ്രശ്നപരിഹാരത്തിനായി കെഎസ്ടിപി ഉദ്യോഗസ്ഥര്സ്ഥലത്തെത്തി. കെഎസ്ടിപി മൂവാറ്റുപുഴ ഓഫീസിലെ അസി.എക്സിക്യൂട്ടീവ് എന്ജിനീയര് ദീപ, കണ്സള്ട്ടന്റ് പൈലി, പ്രൊജക്ട്മാനേജന് ജയശങ്കര്,പഞ്ചായത്ത് പ്രസിഡണ്ട് പി.സി കുര്യന് എന്നിവരുടെ നേതൃത്വത്തിലുള്ളസംഘം അപകടങ്ങള് നടന്നപ്രദേശങ്ങള് സന്ദര്ശനംനടത്തി മൂന്ന്ദിവസത്തിനുള്ളില് തകര്ന്ന സ്ലാബുകള്മാറ്റിസ്ഥാപിച്ച് കാല്നടക്കാര്ക്കടക്കം അപകടരഹിതയാത്ര ഒരുക്കാന് കരാറുകാരന് നിര്ദ്ദേശംനല്കി. പഞ്ചായത്ത്ബസ്റ്റാന്ഡിനുമുന്വശം,സെന്ട്രല്ജംഗ്ഷന്,പള്ളിക്കവല എന്നിവിടങ്ങളില് സംഘംപരിശോധനനടത്തി. ഓടകള്ക്കുമേലുള്ളതകര്ന്നസ്ലാബുകളില് കാല്കുരുങ്ങിയും,സ്ലാബുകള് ഒടിഞ്ഞ് ഓടകളില് വാഹനങ്ങള്വീണും തിങ്കളാഴ്ച പകല്മാത്രം രണ്ട് വ്യത്യസ്തഅപകടങ്ങളാണ് കുറവിലങ്ങാട് ടൗണിലുണ്ടായത്. പഞ്ചായത്ത് ബസ്റ്റാന്ഡിനുമുന്നില് ഓടയില്കാല്കുരുങ്ങി വിണ് പരിക്കേറ്റവിദ്യാര്ത്ഥിനിയെ പരിക്കുകളോടെ മുട്ടുചിറയിലെ സ്വകാര്യഅസ്പത്രിയില് പ്രവേശിപ്പിച്ചിരുന്നു. ഐഎല്ടിഎസ് കോച്ചിഗ്ക്ലാസില് നിന്നും ഇറങ്ങിടൗണിലെ മെഡിക്കല്ഷോപ്പിലേക്ക് പോവുന്നതിനിടയിലാണ് വിദ്യാര്ത്ഥിനി ഓടയില്വീണത്.ഓടയിലേക്ക് വെള്ളം ഒഴുകുന്നതിനായി എടുത്തിരുന്ന കുഴിയിലേക്കാണ് വിദ്യാര്ത്ഥിനിവീണത്. ഇതിന്റെ തൊട്ടുപിന്നാലെയാണ് സെന്ട്രല്ജംഗ്ഷനില് നിര്മ്മാണത്തിലിരിക്കുന്ന കെട്ടിടത്തിന്റെ സൈറ്റിലേക്ക് മണലുമായി എത്തിയ ലോറിസ്ലാബ് ഒടിഞ്ഞ് ഓടയില് വീണത്. കുറവിലങ്ങാട് പള്ളിക്കവലയില് യാത്രക്കാര്ബസ് കാത്തുനില്ക്കുന്ന ബസ്റ്റോപ്പിലെ ഓടയ്ക്കുമേല്സ്ഥാപിച്ച സ്ളാബുകള്വാഹനങ്ങള് കയറിതകര്ന്നിട്ട് ദിവസങ്ങള് പിന്നിട്ടിരുന്നു. ഇവിടെ തകര്ന്നസ്ലാബുകളില്തട്ടിവീണ വീട്ടമ്മയുടെ പല്ലുകള് ഇളകിതെറിച്ചസംഭവം ഉണ്ടായി. മൂവാറ്റുപുഴ മുതല് ചെങ്ങന്നൂര് വരെയുള്ള റീച്ചില് ആദ്യഘട്ട റോഡ് നിര്മ്മാണം പൂര്ത്തീകരിച്ച പട്ടിത്താനം മുതല് കുറവിലങ്ങാട് വരെയുള്ള പത്തുകിലോമീറ്റര് ദൂരത്തില് ഓടകളളോട് ചേര്ന്ന് ഫുഡ്പാത്ത് നിര്മ്മാണം ഉടന്ആരംഭിക്കുമെന്ന് കെഎസ്ടിപി ഉദ്യോഗസ്ഥര് പറഞ്ഞു.ഇക്കാര്യങ്ങളില് അന്തിമതീരുമാനം എടുക്കുന്നതിന് കെഎസ്ടിപി പ്രോജക്ട് ഡയറക്ടറും ഇ.ഇ രാകേഷും സ്ഥലപരിശോധനനടത്തും.
