തളിപ്പറമ്പ്: ലോകത്താകെ തകര്ന്നടിഞ്ഞ കമ്മ്യൂണിസ്റ്റ് പ്രത്യയശാസ്ത്രം ഉയര്ത്തിപ്പിടിക്കുന്ന സിപിഎം പ്രത്യയശാസ്ത്രത്തിന്റെ പ്രസക്തി നഷ്ടപ്പെട്ടതു കൊണ്ട് അക്രമസിദ്ധാന്തമാണുയര്ത്തിപ്പിടിക്കുന്നതെന്ന് ബിജെപി സംസ്ഥാന സമിതിയംഗം കെ.രഞ്ചിത്ത് പറഞ്ഞു.
ഭരണത്തിന്റെ സ്വാധീനം ഉപയോഗിച്ച് സംഘപരിവാര് പ്രസ്ഥാനങ്ങളെ തകര്ക്കാമെന്ന വ്യാമോഹമാണ് സിപിഎമ്മിനുള്ളത്. അതിന്റെ ഭാഗമാണ് കുന്നരുവിലെ കൊലപാതകവുമായി ബന്ധപ്പെട്ട് സംഘത്തിന്റെ മുതിര്ന്ന നേതാക്കളെ കള്ളക്കേസില് കുടുക്കാന് ശ്രമിക്കുന്നത്. അടിയന്തിരവസ്ഥയെ മറികടക്കാനും സിപിഎമ്മിന്റെ രാവണന് കോട്ടകളില്പോലും വളര്ന്നു പന്തലിക്കുവാനും സാധിച്ച സംഘപരിവാര് പ്രസ്ഥാനം ഇത്തരം ഭീക്ഷണികളെ ചെറുത്തു പരാജയപ്പെടുത്തും. പോലീസ് സ്വാധീനം ദൂരുപയോഗം ചെയ്ത് കേസ് അട്ടിമറിക്കാന് ശ്രമിയ്ക്കുന്ന സാഹചര്യത്തില് സിബിഐ അന്വേഷണം ഏര്പ്പെടുത്തുന്നതിന് സാധ്യമായ മാര്ഗ്ഗങ്ങള് ഉപയോഗപ്പെടുത്തുമെന്നും രഞ്ചിത് പറഞ്ഞു. ബിജെപി തളിപ്പറമ്പ നിയോജകമണ്ഡലം പ്രവര്ത്തക യോഗം ഉല്ഘാടനം ചെയ്തു സംസാരിക്കുകയായിരുന്നു അദ്ദേഹം.
കേരളാ കോണ്ഗ്രസ് യുഡിഎഫ് വിട്ട സാഹചര്യത്തില് യുഡിഎഫിന്റെ പ്രസക്തി നഷ്ടപ്പെട്ടിയിരിക്കുകയാണ്. പകരം ജനങ്ങള് ഉറ്റുനോക്കുന്നത് ബിജെപിയെയാണ്. എല്ഡിഎഫും യുഡിഎഫും പിരിച്ചുവിട്ട് ബിജെപിയെ നേരിടാന് ഇവര് തയ്യാറാകണമെന്നും രഞ്ചിത്ത് ആവശ്യപ്പെട്ടു. ചടങ്ങില് ടി.ടി.സോമന് അധ്യക്ഷത വഹിച്ചു. മേഖലാ വൈസ് പ്രസിഡണ്ട് എ.പി.ഗംഗാധരന്, ജില്ലാ വൈസ് പ്രസിഡണ്ട് പി.ബാലകൃഷ്ണന് മാസ്റ്റര് എന്നിവര് സംസാരിച്ചു. കെ.രവീന്ദ്രന് സ്വാഗതവും മുണ്ടേരി ചന്ദ്രന് നന്ദിയും പറഞ്ഞു.
തളിപ്പറമ്പ് നിയോജക മണ്ഡലത്തിന്റെ പുതിയ ഭാരവാഹികളായി ടി.ടി.സോമന് (പ്രസിഡന്റ്), ചന്ദ്രന് മുണ്ടേരി, കെ.രവീന്ദ്രന് കടമ്പേരി (ജനറല് സെക്രട്ടറിമാര്), പി.കുഞ്ഞിരാമന് മാസ്റ്റര് (ട്രഷറര്), എ.കെ.പുരുഷോത്തമന് മാസ്റ്റര്, കൃഷ്ണന് കുറ്റിയാട്ടൂര്, പ്രസീത സന്തോഷ്, ജയശ്രീ കടമ്പേരി (വൈസ് പ്രസിഡണ്ടുമാര്), രമേശന് ചെങ്ങൂനി, പി.വി.സുരേഷ്, രജിത രാജീവന്, എന്.ഹൈമ, അഡ്വ:വിശ്വനാഥന് (സെക്രട്ടറിമാര്) എന്നിവരെ തെരഞ്ഞെടുത്തു.
