അഞ്ചല്: ജടായുമംഗലം ജടായുപ്പാറ കോദണ്ഡരാമ ക്ഷേത്ര മഹാപരിക്രമയോടനുബന്ധിച്ചുള്ള പ്രഭാഷണ പരമ്പരയുടെ ഉദ്ഘാടനം 11ന് നടക്കും. കുളത്തൂര് അദൈ്വതാശ്രമ മഠാധിപതി സ്വാമി ചിദാനന്ദപുരി പരമ്പര ഉദ്ഘാടനം ചെയ്യും. രാമായണകാലത്തോളം പ്രസിദ്ധമായ ജടായുപ്പാറ കോദണ്ഡരാമ ക്ഷേത്രത്തില് നടന്നുവരുന്ന രാമായണമാസ ആഘോഷത്തിന്റെ ഭാഗമായി നടക്കുന്ന രാമായണോത്സവം 15നാണ്.
പ്രഭാഷണപരമ്പര ഉദ്ഘാടന സമ്മേളനത്തില് കോദണ്ഡരാമ ക്ഷേത്ര രക്ഷാധികാരി കുമ്മനം രാജശേഖരന് തീര്ത്ഥാടന സന്ദേശം നല്കും. കെ.ശിവദാസന് അദ്ധ്യക്ഷനായിരിക്കും. എന്.മധു സ്വാഗതവും വിനയന് നന്ദിയും പറയും. 12ന് അഡ്വ.സതീഷ്ചന്ദ്രന്, 13ന് വിലങ്ങറ സന്ദീപനി പാഠശാലയിലെ മുട്ടത്തറ സതീഷ് ചന്ദ്രന്, 14ന് വിശ്വഹിന്ദു പരിഷത്ത് ജില്ലാ പ്രചാര് പ്രമുഖ് സജീഷ് വടമണ് എന്നിവര് പ്രഭാഷണം നടത്തും.
15ന് മഹാതീര്ത്ഥാടനവും സമ്മേളനവും നടക്കും. ഉച്ചക്ക് രണ്ടിന് നടക്കുന്ന സമ്മേളനം സംബോധ് ഫൗണ്ടേഷന് മുഖ്യ ആചാര്യന് സ്വാമി ആദ്ധ്യത്മാനന്ദ സരസ്വതി ഉദ്ഘാടനം ചെയ്യും. ചലച്ചിത്ര താരം ദേവന് മുഖ്യാതിഥിയാകും. സംവിധായകനും ശില്പിയുമായ രാജീവ് അഞ്ചല്, മാതാ അമൃതാനന്ദമയീ മഠത്തിലെ ബ്രഹ്മചാരി ശങ്കരചൈതന്യ എന്നിവര് സംബന്ധിക്കും. ഡി.വിജയന്നായര് അദ്ധ്യക്ഷനാകുന്ന സമ്മേളനത്തിന് മഠത്തില് മോഹനനന്പിള്ള സ്വാഗതവും കണ്ണന്കോട് രാജേഷ് നന്ദിയും പറയും. വൈകിട്ട് നാലിന് ജടായുപ്പാറ കോദണ്ഡരാമ ക്ഷേത്രത്തിലേയ്ക്ക് തീര്ത്ഥാടനം നടക്കും. തുടര്ന്ന് ക്ഷേത്രത്തില് അഭിഷേകവും മഹാആരതിയും ഭജനയും വാനരഊട്ടും നടക്കും.
