തലശ്ശേരി: നഗരസഭാ പ്രദേശത്ത് നടപ്പിലാക്കാന് ഉദ്ദേശിച്ച് 1977 ല് തയ്യാറാക്കിയ മാസ്റ്റര് പ്ലാന് ഇനിയെങ്കിലും നടപ്പിലാക്കാന് നഗരസഭാ അധികാരികള് തയ്യാറാകണമെന്ന് തലശ്ശേരി സിറ്റിസണ് ഫോറം വാര്ത്താസമ്മേളനത്തില് ആവശ്യപ്പെട്ടു. മാസ്റ്റര് പ്ലാന് പ്രാവര്ത്തികമാകുമ്പോള് നഗരത്തിലെ പ്രധാന റോഡുകളായ ഒ.വി റോഡ്, ലോഗന്സ് റോഡ്, മെയിന് റോഡ്, ഗുഡ്സ് ഷെഡ്ഡ് റോഡ് എന്നിവ 15 മുതല് 20 മീറ്റര് വരെ വീതിയുള്ളതാവുമെന്നും അതോടുകൂടി തലശ്ശേരി നഗരത്തിലെ ഗതാഗതസ്തംഭം ഒഴിവാക്കാന് പറ്റുമെന്നും ഫോറം ഭാരവാഹികള് അവകാശപ്പെട്ടു. കൂടാതെ മാസ്റ്റര് പ്ലാന് ചൂണ്ടിക്കാട്ടുന്ന സെയ്താര് പള്ളിയില് നിന്ന് നാരങ്ങാപ്പുറത്തേക്ക് പുതിയ റോഡും നിര്മ്മിക്കണം.
ചില മുന് നഗരസഭാ കൗണ്സിലര്മാര് ഒ.വി റോഡില് അനധികൃതമായി നിര്മ്മിച്ച വ്യാപാര സ്ഥാപനങ്ങളാണ് ഒ.വി റോഡ് വികസനത്തിന് തടസ്സമാകുന്നതെന്നും അതിനാല് ഇവ ഉടന് നീക്കം ചെയ്യണമെന്നും അല്ലാത്തപക്ഷം നിയമ നടപടികളുമായി മുന്നോട്ട് പോകുമെന്നും ഭാരവാഹികള് പറഞ്ഞു. വാര്ത്താ സമ്മേളനത്തില് എ.പി.രവീന്ദ്രന്, പി.വി.സുരേഷ്, ടി.വിജയന്, എ.പി.സുനില്, ശശി കല്ലിടുംബില് എന്നിവര് പങ്കെടുത്തു.
