അമ്പലപ്പുഴ: ശ്രീകൃഷ്ണക്ഷേത്രത്തിലെ ഇല്ലംനിറ ഇന്ന് പുലര്ച്ചെ 5.45നും 6.15നും മധ്യേ നടക്കും. കാര്ഷിക വിളകളുടെ ആദ്യഫലം ഭഗവാനു സമര്പ്പിക്കുന്ന ചടങ്ങു കൂടിയാണിത്. എട്ടുജാതി വൃക്ഷങ്ങളുടെ ഇലകളും ദശപുഷ്പവും നെല്ക്കതിരും ചേര്ത്തു കൂട്ടിക്കെട്ടി മഞ്ഞപ്പട്ടില് പൊതിഞ്ഞ് കിഴക്കേ കുളപ്പുരയില് സൂക്ഷിക്കും. രാവിലെ കുത്തുവിളക്കിന്റെയും പഞ്ചവാദ്യത്തിന്റെയും അകമ്പടിയോടെ മേല്ശാന്തിമാര് കതിര്കുലകള് എടുത്ത് നാലമ്പലത്തിനു പ്രദക്ഷിണം വച്ച ശേഷം അകത്തുകടന്നു കിഴക്കേ മണ്ഡപത്തില് സമര്പ്പിക്കും. തുടര്ന്നു തന്ത്രി ലക്ഷ്മി, വിഷ്ണുപൂജകള് നടത്തിയ ശേഷം ശ്രീകോവിലില് കടന്നു ദേവന് സമര്പ്പിക്കും. പിന്നീടു മേല്ശാന്തി കോയ്മസ്ഥാനിക്കു കതിര്ക്കുലകള് നല്കും. തുടര്ന്ന് ഉപദേവതാലയങ്ങളിലും കതിര്കുലകള് കെട്ടിയ ശേഷം ഭക്തജനങ്ങള്ക്ക് വിതരണം ചെയ്യും.
അമ്പലപ്പുഴ ക്ഷേത്രത്തില് ഇല്ലം നിറ ഇന്ന്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.