ആലപ്പുഴ: മത്സ്യത്തൊഴിലാളികളോടുള്ള സംസ്ഥാന സര്ക്കാരിന്റെ കടുത്ത അവഗണനയില് പ്രതിഷേധിച്ച് ധീവരസഭ അമ്പലപ്പുഴ താലൂക്കില് ആഹ്വാനം ചെയ്ത ഹര്ത്താല് ജനങ്ങള് ഏറ്റെടുത്തു. സിപിഎമ്മിന്റെയും സര്ക്കാര് അനുകൂല സംഘടനകളുടെയും വിലക്കിനെ അവഗണിച്ചാണ് മത്സ്യത്തൊഴിലാളികളും തീരദേശ വാസികളും ഹര്ത്താലിന് പിന്തുണ പ്രഖ്യാപിച്ചത്.
ബിജെപിയും ഭാരതീയ മത്സ്യപ്രവര്ത്തക സംഘവും ഹര്ത്താലിന് പിന്തുണ പ്രഖ്യാപിച്ചിരുന്നു. താലൂക്കിന്റെ വിവിധ ഭാഗങ്ങളില് കടകമ്പോളങ്ങള് അടഞ്ഞുകിടന്നു. സ്വകാര്യ ബസുകള് സര്വ്വീസ് നടത്തിയില്ല. മത്സ്യത്തൊഴിലാളികള് പൂര്ണമായും കടലില്പോകാതെ സമരത്തിന് അനുഭാവം പ്രകടിപ്പിച്ചു.
ഹര്ത്താലിനോടുബന്ധിച്ച് ധീവരസഭ അമ്പലപ്പുഴതാലൂക്ക് സമിതിയുടെ നേതൃത്വത്തില് കളക്ട്രേറ്റിലേക്ക് മാര്ച്ച് നടത്തി. ധീവര സഭയുടെ കലക്ട്രേറ്റ് മാര്ച്ചിന് അഭിവാദ്യം അര്പ്പിച്ച് ബിജെപി ആലപ്പുഴയില് പ്രകടനം നടത്തി. ജില്ലാ വൈസ് പ്രസിഡന്റ് കൊട്ടാരം ഉണ്ണികൃഷ്ണന്, ആലപ്പുഴ നിയോജക മണ്ഡലം പ്രസിഡന്റ് ജി. വിനോദ് കുമാര്എന്നിവര് സംസാരിച്ചു. സാബു വി.സി., കണ്ണന് തിരുവമ്പാടി, രാജഗോപാല് എന്നിവര് നേതൃത്വം നല്കി.
പ്രതികരിക്കാൻ ഇവിടെ എഴുതുക: