കണ്ണൂര്: പട്ടികജാതിക്കാര്ക്കായുള്ള ക്വാര്ട്ടേഴ്സിലേക്ക് റോഡ് നിര്മിക്കുന്നതിന് വേണ്ടി വകയിരുത്തിയ ഫണ്ട് വകമാറ്റി മുന്കേന്ദ്ര സഹമന്ത്രിയുടെ മരുമകളുടെ വീട്ടിലേക്ക് റോഡ് നിര്മിച്ചായി ആക്ഷേപം. കണ്ണൂര് താണ എസ്സി ക്വാര്ട്ടേഴ്സിന് റോഡ് നിര്മിക്കാന് അനുവദിച്ച രണ്ടുലക്ഷത്തി എഴുപതിനായിരം രൂപ ദുരുപയോഗം ചെയ്താണ് മുന് കേന്ദ്രസഹമന്ത്രിയുടെ മരുമകളുടെ വീട്ടിലേക്ക് റോഡ് നിര്മിച്ചത്. നിലവിലുള്ള എംഎല്എ ക്വാര്ട്ടേഴ്സിന് പുറകുവശത്ത് കൂടി പട്ടിക ജാതിക്കാര് ആരുമില്ലാത്ത ഭാഗത്തേക്കാണ് റോഡ് നിര്മിച്ചിരിക്കുന്നത്. എംഎല്എ ഫണ്ടില് വകയിരുത്തിയ ഫണ്ടുപയോഗിച്ചാണ് ഇന്റര് ലോക്ക് ചെയ്ത റോഡ് നിര്മിച്ചതെന്ന സൂചന നല്കുന്ന ഔദ്യോഗിക ബോര്ഡും ഇവിടെ സ്ഥാപിച്ചിട്ടുണ്ട്. എന്നാല് ഇത് സംബന്ധിച്ച ബോര്ഡ് സ്ഥാനം തെറ്റിയാണ് സ്ഥാപിച്ചിരിക്കുന്നതെന്നാണ് മന്ത്രിയുടെ ബന്ധുക്കള് നല്കുന്ന വിശദീകരണം. പട്ടികജാതി ക്വാര്ട്ടേഴ്സിലേക്ക് സാധാരണ ഇന്റര്ലോക്ക് ഉപയോഗിച്ച് റോഡ് നിര്മിച്ചപ്പോള് ഉറപ്പേറിയ ഇന്റര്ലോക്ക് ഉപയോഗിച്ചാണ് മന്ത്രിയുടെ ബന്ധുവീട്ടിലേക്ക് റോഡ് നിര്മിച്ചിരിക്കുന്നത്. കോടീശ്വരന്മാര് മാത്രം താമസിക്കുന്ന ഭാഗത്ത് പട്ടികജാതിക്കാര്ക്ക് ആവശ്യമില്ലാത്ത ഭാഗത്താണ് റോഡ് നിര്മിച്ചിരിക്കുന്നത്. ഫണ്ട് വകമാറ്റി ചെലവാക്കിയവര്ക്കെതിരെ കര്ശന നടപടി സ്വീകരിക്കണമെന്നാണ് ക്വാര്ട്ടേഴ്സിലുള്ളവരുടെ ആവശ്യം.
പട്ടികജാതി ഫണ്ട് ദുരുപയോഗം ചെയ്ത് മുന് കേന്ദ്രമന്ത്രിയുടെ മരുമകളുടെ വീട്ടിലേക്ക് റോഡ് നിര്മിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.