ഏറ്റുമാനൂര്: നീണ്ടൂര് തൃക്കയില് ശ്രീ സുബ്രഹ്മണ്യ സ്വാമിക്ഷേത്രത്തില് 9 മുതല് 16 വരെ ശ്രീമദ് അദ്ധ്യാത്മ രാമായണ സത്രം നടക്കും. സ്വാമി വിജയാനന്ദ ബോധതീര്തഥപാദറാണ് യജ്ഞാചാര്യന്. 9 ന് വൈകിട്ട് വിഗ്രഹ ഘോഷയാത്ര നീണ്ടൂര് ശ്രീകൈരാതപുരം മഹാദേവക്ഷേത്രത്തില് നിന്നും ആരംഭിച്ച് അന്തിമഹാകാളന് ശ്രീകൃഷ്ണസ്വാമിക്ഷേത്രം, ശ്രീ കുറ്റിയാനികുളങ്ങര ഭഗവതീക്ഷേത്രം, ശ്രീനാരായണ-ശാരദാ ദേവി ക്ഷേത്രം വഴി വൈകിട്ട് 6 ന് എത്തിച്ചേരുന്നു. തുടര്ന്ന് 6.30 ന് സത്ര സമാരംഭ വേദിയില് ഭദ്രദീപ പ്രകാശനം ക്ഷേത്രം തന്ത്രി സൂര്യന് ജയസൂര്യന് ഭട്ടതിരിപ്പാട് നിര്വ്വഹിക്കും. സിനിമ-സീരിയല് നടന് കൃഷ്ണപ്രസാദ്, പ്രമുഖ സാഹിത്യകാരനും തിരക്കഥാകൃത്തുമായ പ്രവീണ് ഇറവന്കരയും മുഖ്യപ്രഭാഷണം നടത്തും. വാഴൂര് തീര്ത്ഥപാദാശ്രമം സെക്രട്ടറി സ്വാമി ഗരുഡദ്വജാനന്ദ തീര്ത്ഥപാദര് അനുഗ്രഹ പ്രഭാഷണം നടത്തും. 10 മുതല് 16 വരെ യജ്ഞശാലയില് സര്വ്വൈശ്വര്യപൂജ, കൗസല്യാപൂജ, മഹാമൃത്യുജ്ജയഹോമം, യതി പൂജ, പട്ടാഭിഷേകം, കലശാഭിഷേകം തുടങ്ങിയ പൂജകള്ക്കും 16ന് നടക്കുന്ന സത്രസമാപനസമ്മേളനം ഏറ്റുമാനൂര് എംഎല്എ സുരേഷ് കുറുപ്പ്, കേരള ക്ഷേത്ര സംരക്ഷമ സമിതി സംസ്ഥാന ജനറല് സെക്രട്ടറി കെ.എസ്.നാരായമന്, ജില്ലാ സെക്രട്ടറി വി.എസ്.രാമസ്വാമി, മാതൃസമിതി സംസ്ഥാന ജനറല് സെക്രട്ടറി ശാന്താ എസ്.പിള്ള തുടങ്ങിയവര് പങ്കെടുക്കും. എല്ലാ ദിവസവും പ്രസാദമൂട്ടും 16ന് മഹാപ്രസാദമൂട്ടും ഉണ്ടായിരിക്കും. സമ്മേളനാനന്തരം പ്രമുഖ കലാകാരന്മാര് പങ്കെടുക്കുന്ന ആടി സംഗീതോത്സവവും നടത്തും.
