അമ്പലപ്പുഴ: നടുക്കടലില് മത്സ്യബന്ധന വള്ളം അപകടത്തില്പ്പെട്ടു. വള്ളത്തിലുണ്ടായിരുന്ന തൊഴിലാളികളെ മറ്റു തൊഴിലാളികള് രക്ഷപ്പെടുത്തി. നടക്കടലിലെത്തിയ വള്ളത്തിലെ എഞ്ചിന് ഓഫാകുകയായിരുന്നു. പുന്നപ്ര വിനായി കടപ്പുറത്തുനിന്ന് ഏകദേശം മൂന്നുമാര് അകലെ എഴുപുന്ന തകരന് എന്ന വള്ളത്തിന്റെ പ്രൊപ്പല്ലറില് വല കുടുങ്ങിയതിനെത്തുര്ന്നാണ് എഞ്ചിന് ഓഫായത്. വള്ളത്തില് 25 മത്സ്യത്തൊഴിലാളികളാണുണ്ടായിരുന്നത്. കഴിഞ്ഞ ദിവസം കടല്ക്ഷോഭത്തില് തകര്ന്ന വള്ളങ്ങളിലുണ്ടായിരുന്ന വലയാണ് കുടുങ്ങിയത്. കരയില് നിന്ന് മറ്റുവള്ളങ്ങളില് തൊഴിലാളികളെത്തിയാണ് വള്ളത്തിലുണ്ടായിരുന്നവരെ രക്ഷിച്ചത്.
വള്ളം കരയ്ക്കെത്തിക്കുന്നതിനായി മറ്റൊരു വള്ളം എത്തിച്ച് ശ്രമം നടത്തിയെങ്കിലും പരാജയപെട്ടു. പിന്നീട് മന്ത്രിജി. സുധാകരന്റെ നിര്ദ്ദേശാനുസരണം വലിയ ബോട്ട് ഏര്പ്പാട് ചെയത് വള്ളം കരയ്ക്കെത്തിക്കുവാന് തീരുമാനിച്ചു. ഇതിനാവശ്യമായ സാമ്പത്തികസഹായങ്ങള് എല്ലാം സര്ക്കാര് നല്കുമെന്ന് മന്ത്രി അറിയിച്ചു.
