ഇടുക്കി: അടിമാലിയില് വ്യാപാര സ്ഥാപനത്തില് അനധികൃത വില്പ്പനയ്ക്കായി സൂക്ഷിച്ച പാചകവാതകം, പെട്രോള്, ഡീസല് എന്നിവ പോലീസ് പിടിച്ചെടുത്തു. സംഭവത്തില് ഒരാള് പിടിയില്. ഇരുമ്പുപാലത്തെ വിഎച്ച്എസ് സ്റ്റോഴ്സ് ആന്റ് ബേക്കറിയുടമ ചിറപുലിയാര് വീട്ടില് സനൂപ് (24) ആണ് പിടിയിലായത്. ഇയാളുടെ കടയില് നിന്നും 25 ലിറ്റര് പെട്രോള്, 14 ലിറ്റര് ഡീസല്, 8 കുറ്റി പാചകവാതകം എന്നിവയാണ് പിടിച്ചെടുത്തത്. വില്പ്പനയ്ക്കായി കുപ്പികളിലാക്കി സൂക്ഷിച്ച നിലയിലായിരുന്നു പെട്രോളു ഡീസലും. ആറ് പാചകവാതക കുറ്റികള് നിറച്ച് സൂക്ഷിച്ചിരിക്കുകയും ആയിരുന്നു. അടിമാലി എസ്ഐ ലാല് സി ബേബിയുടെ നേതൃത്വത്തിലുള്ള സംഘമാണ് കേസ് പിടികൂടിയത്. ഇന്നലെ രാവിലെ 12മണി യോടെയാണ് രഹസ്യവിവരത്തിന്റെ അടിസ്ഥാനത്തില് പോലീസ് കടയില് പരിശോധന നടത്തുന്നത്. എസന്ഷ്യല് കൊമേഷ്യല് ആക്ട് പ്രകാരമാണ് കേസെടുത്തിരിക്കുന്നത്. അവശ്യവസ്തുക്കളുടെ ഗണത്തില്പ്പെടുത്തിയിരിക്കുന്ന ഇവ ഇത്തരത്തില് സൂക്ഷിക്കുന്നത് ഗുരുതരമായ കുറ്റമാണെന്നും എസ്ഐ പറഞ്ഞു.
വില്പ്പനയ്ക്കായി സൂക്ഷിച്ച പാചകവാതകവും പെട്രോളും പിടിച്ചെടുത്തു
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.