ശ്രീനഗര്: കശ്മീരില് ഇന്നലെ നടന്ന പ്രതിഷേധറാലിയില് ലഷ്കര് ഇ – ത്വെയിബ ഭീകരന് അബു ദുജാന പങ്കെടുത്തിരുന്നതായി റിപ്പോര്ട്ട്. റാലിയില് ദുജാനയെ കണ്ടുവെന്നും അയാള്ക്കു ചുറ്റും മുദ്രാവാക്യങ്ങള് വിളിച്ച് ആളുകള് നീങ്ങുകയായിരുന്നുവെന്നും ദേശീയ മാധ്യമങ്ങള് റിപ്പോര്ട്ടു ചെയ്തു.
എന്നാല് ഇക്കാര്യം സ്ഥിരീകരിക്കാന് പോലീസ് ഇതുവരെ തയാറായിട്ടില്ല. കശ്മീരില് താഴ്വരയില് സൈനികര് കൊലപ്പെടുത്തിയവരുടെ കുടുംബാംഗങ്ങള് പ്രതിഷേധറാലിയില് പങ്കെടുത്തിരുന്നതായി ദൃക്സാക്ഷികള് പറഞ്ഞു.
മറ്റു ചില ഭീകരരും റാലിയില് അണിനിരന്നുവെന്നും ഇവര് മുഖം മറച്ചിരിക്കുകയായിരുന്നു. ഇവരുടെ പക്കല് ആയുധങ്ങളില്ലായിരുന്നുവെന്നും ദൃക്സാക്ഷികള് പറയുന്നു.
കശ്മീര് താഴ്വരയില് നടക്കുന്ന പ്രതിഷേധങ്ങള്ക്ക് പിന്നില് തങ്ങളുടെ ആളുകളാണെന്ന ലഷ്കര് തലവന് ഹാഫിസ് സയിദിന്റെ പ്രസ്താവനയ്ക്ക് പിന്നാലെയാണ് അബു ദുജാന റാലിയില് പങ്കെടുത്തിരുന്നതായി റിപ്പോര്ട്ട്.
ജൂലായ് എട്ടിനാണ് ദുര്ഹന് വാനി സൈനിക ഏറ്റുമുട്ടലില് കൊല്ലപ്പെട്ടത്. ഇതിനെ തുടര്ന്ന് നടന്ന പ്രതിഷേധത്തില് 47 പേര് കൊല്ലപ്പെടുകയും 2500 പേര്ക്ക് പരിക്കേല്ക്കുകയും ചെയ്തു.
