ന്യൂദല്ഹി: ഭാരതത്തില് മാത്രം ദൈവമില്ലെന്ന് സ്വയം വിശ്വസിക്കുന്നവര് 33000 പേരാണെന്ന് സെന്സസ്. 2011 സെന്സസ് അനുസരിച്ച് പുറത്ത് വന്ന രേഖകളിലാണ് ഇതു സംബന്ധിച്ച വിവരങ്ങളുള്ളത്.
ദൈവമില്ലെന്ന് വിശ്വസിക്കുന്നവരില് പകുതിയും സ്ത്രീകളാണെന്ന് സെന്സസില് പറയുന്നു. ഇത്തരത്തിലുള്ള പത്ത് പേരെ കണക്കാക്കിയാല് അതില് ഏഴ് പേരും ഉള്നാടന് പ്രദേശങ്ങളില് വസിക്കുന്നവരാണെന്നും സെന്സസ് വ്യക്തമാക്കുന്നു.
രാജ്യത്തെ ജനസംഖ്യ 1.2 ബില്ല്യണായെന്നും സെന്സസ് പുറത്ത് വിട്ട രേഖകളില് വ്യക്തമാകുന്നു. അടുത്തിടെ പുറത്തു വിട്ട സെന്സസുകളില് ഇതാദ്യമായാണ് നിരൂശ്വരവാദികളുടെ കണക്കുകള് പുറത്ത് വിടുന്നത്.
സംസ്ഥാനങ്ങള് കണക്കിലെടുത്താല് മഹാരാഷ്ട്രയിലാണ് ഏറ്റവും കൂടുതല് നിരീശ്വരവാദികള് വസിക്കുന്നത്. 9,652 പേരാണ് ഇവിടെ നിരീശ്വരവാദികളായുള്ളത്. 71 ശതമാനം പേരും ഗ്രാമങ്ങളിലുള്ളവരാണ്.
മേഘാലയില് 9,089 പേരാണ് നിരീശ്വരവാദികള്. ദൈവത്തിന്റെ സ്വന്തം നാട്ടിലും ഇത്തരക്കാരുടെ എണ്ണം ചെറുതല്ല, 4,896 പേരാണ് ദൈവ വിശ്വമില്ലാത്തവരായി ഇവിടെ വസിക്കുന്നത്. പശ്ചിമ ബംഗാളില് 784 പേരും ദല്ഹിയില് 541 പേരുമാണ് ദൈവത്തില് വിശ്വാസമില്ലാത്തവരായി നിലകൊള്ളുന്നു.
2012ലെ ഗ്ലോബല് റിലീജ്യസ് ഇന്ഡെക്സിന്റെ കണക്കുകളനുസരിച്ച് ഭാരതത്തില് മൂന്ന് ശതമാനം ആളുകളാണ് നിരീശ്വരവാദികളായിട്ടുള്ളത്. പത്ത് വര്ഷം കൂടുമ്പോഴാണ് സെന്സസ് നടത്തിവരുന്നത്.
