കണ്ണൂര്: മറ്റ് സംസ്ഥാനങ്ങളില് നിന്ന് തൊഴില്തേടി കേരളത്തില് വരുന്നവര്ക്ക് പെര്മിറ്റില്ലാത്തവര്ക്ക് ജോലി നല്കരുതെന്ന് ഭാരത് രക്ഷാമഞ്ച് ഭാരതരക്ഷാ മഞ്ച് ജില്ലാ അധ്യക്ഷന് കെ.സി.സോമന് നമ്പ്യാരുടെ അദ്ധ്യക്ഷതയില് ചേര്ന്ന ജില്ലാ ഭാരവാഹിയോഗം അധികൃതരോടാവശ്യപ്പെട്ടു. മറ്റ് സംസ്ഥാനങ്ങലില് നിന്ന് വരുന്നവര്ക്ക് വര്ക്ക് പെര്മിറ്റ് അനുവദിക്കണം. അവരുടെ വിശദവിവരവും മറ്റ് രേഖകളും അതത് പരിധിയിലുള്ള പോലീസ് സ്റ്റേഷനില് രേഖപ്പെടുത്തുകയും മറ്റ് ആവശ്യങ്ങള്ക്കായി വരുന്നവര്ക്ക് താത്കാലിക സന്ദര്ശനരേഖ നല്കുകയും വേണം. വിവിധ സ്ഥാപന ഉടമകളും മാനേജ്മെന്റുകളും വ്യക്തികളും വര്ക്ക് പെര്മിറ്റുള്ളവര്ക്ക് മാത്രമേ ജോലി നല്കാവൂ. ഇല്ലാത്തവര്ക്ക് ജോലി നിഷേധിക്കണമെന്നും ഇത് പാലിക്കാതെ തൊഴില് നല്കുന്നവര്ക്കെതിരെ കര്ശന നടപടി സ്വീകരിക്കണമെന്നും യോഗം ആവശ്യപ്പെട്ടു. കെ.ശിവദാസ്, ഉമേഷ് പോച്ചപ്പന്, രമേഷ് എന്നിവര് സംസാരിച്ചു. ജില്ലാ സെക്രട്ടറി കുട്ടികൃഷ്ണന് പൊയില് സ്വാഗതവും സുധീര് കൂവേരി നന്ദിയും പറഞ്ഞു.
വര്ക്ക് പെര്മിറ്റില്ലാത്തവര്ക്ക് ജോലി നല്കരുത്: ഭാരത രക്ഷാ മഞ്ച്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.