കൂത്തുപറമ്പ്: നരിക്കോട്ട് മലയില് സിപിഎം സംഘം ദളിത് യുവാവിനെ മര്ദ്ധിച്ചു. നരിക്കോട്ട്മല കുഞ്ഞാന്റെ മകന് തെയ്യാടി ജയനാണ് മര്ദ്ധനമേറ്റത്. ക്രൂരമായ അക്രമത്തിനിരയായ ജയനെ തലശ്ശേരിയിലെ സ്വകാര്യ ആശുപത്രിയില് പ്രവേശിപ്പിച്ചു. സിപിഎമ്മുകാരായ ഓന്ത് ബിജു, രാജന്, കുട്ടാപ്പി എന്ന ബിനു, സുധി എന്നിവരുടെ നേതൃത്വത്തിലെത്തിയ സംഘമാണ് അക്രമം നടത്തിയത്. അനധികൃത ക്വാറികള്ക്കെതിരെ സമരം നടക്കുന്ന പ്രദേശമാണ് നരിക്കോട്ട് മല. ക്വാറികളുടെ ബാഹുല്യം കാരണം ജന ജീവിതം ദുസ്സഹമായ പ്രദേശത്ത് പല വിധത്തിലുള്ള പ്രതിഷേധ പരിപാടികളും നടക്കുന്നുണ്ട്. പ്രതിഷേധ പരിപാടികളെ സംഘടിതമായി തകര്ക്കുന്നതിന്റെ ഭാഗമാണ് കഴിഞ്ഞ ദിവസത്തെ അക്രമമെന്നാണ് സൂചന. ”നിങ്ങളെക്കാള് വലിയവര് ശ്രമിച്ചിട്ടും ക്വാറികള് പൂട്ടിക്കാനായില്ല പിന്നെയാടാ ദളിതര്” എന്നാക്രോശിച്ച് കൊണ്ടാണ് ജയനെ സിപിഎം സംഘം മര്ദ്ധിച്ചത്. മര്ദ്ധനമേറ്റ് അവശനായ ജയനെ നാട്ടുകാരാണ് ആശുപത്രിയില് പ്രവേശിപ്പിച്ചത്. ഹിന്ദു ഐക്യവേദി ജില്ലാ സെക്രട്ടറി കൊല്ലമ്പറ്റ പ്രേമന് തുടങ്ങിയവര് ആശുപത്രിയിലെത്തി.
നരിക്കോട്ട് മലയില് ദളിത് യുവാവിനുനേരെ സിപിഎം അക്രമം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.