തിരുവനന്തപുരം: തുടർച്ചയായ വിലക്കയറ്റത്തിന് ശേഷം സംസ്ഥാനത്ത് സ്വർണവിലയിൽ വൻ ഇടിവ് രേഖപ്പെടുത്തിയിരിക്കുകയാണ്. ഈ മാസത്തെ ഏറ്റവും കുറഞ്ഞ നിരക്കിലാണ് ഇന്ന് (ജൂൺ 25, വ്യാഴം) സ്വർണ വ്യാപാരം നടക്കുന്നത്. ഇന്ന് ഒരു പവൻ സ്വർണത്തിന്റെ വില 1,02,760 രൂപയാണ്. 2,040 രൂപയാണ് ഒറ്റയടിക്ക് കുറഞ്ഞിരിക്കുന്നത്. ഇന്നലെ 104800 രൂപയായിരുന്നു സ്വർണവില.
വിപണിയിലെ ഈ പെട്ടെന്നുള്ള വിലക്കുറവ് സ്വർണം വാങ്ങാൻ പ്ലാൻ ചെയ്യുന്നവർക്ക് വലിയ രീതിയിൽ ആശ്വാസമാകും.അന്താരാഷ്‌ട്ര വിപണിയിലെ മാറ്റങ്ങളും രൂപയുടെ മൂല്യത്തിലുണ്ടായ വ്യത്യാസവുമാണ് ആഭ്യന്തര വിപണിയിലും സ്വർണവില കുറയാൻ കാരണമായത്.
ഈ മാസത്തെ ഏറ്റവും താഴ്ന്ന നിരക്കിലേക്ക് ഇന്ന് വില കൂപ്പുകുത്തിയിരിക്കുന്നത്. ഒരു ഗ്രാം സ്വർണവിലയിലും ആനുപാതികമായ വലിയ കുറവാണ് രേഖപ്പെടുത്തിയിരിക്കുന്നത്. ഇന്നലെ 13100 രൂപയായിരുന്ന ഒരു ഗ്രാം സ്വർണവില ഇന്ന് 255 രൂപ കുറഞ്ഞ് 12,845 രൂപയിലേക്കാണ് എത്തിയിരിക്കുന്നത്.
