നെയ്യാറ്റിന്കര: പെരുങ്കടവിള ബാലഭദ്രകാളി ക്ഷേത്രത്തിനു സമീപത്തെ ഇടുങ്ങിയ റോഡിലൂടെ അമിതമായി പാറയുമായിയെത്തിയ അഞ്ച് ടിപ്പര് ലോറികളെ നാട്ടുകാര് മണിക്കൂറോളം തടഞ്ഞ് നിര്ത്തി. ആര്യങ്കോട്, തേരണി, കോട്ടയ്ക്കല് എന്നിവിടങ്ങളിലെ ക്വാറികളിലെ പാറകള് അളവില് കൂടുതല് കയറ്റി അപകടത്തെ ക്ഷണിച്ചുവരുത്തുന്ന രീതിയില് അമിതവേഗതയിലാണ് ഇത്തരം ടിപ്പറുകള് നിരന്തരം ക്ഷേത്രത്തിനു സമീപത്തെ ഇടുങ്ങിയ റോഡിലൂടെ ദിവസേനയുള്ള സഞ്ചാരം. ഇത്തരം വാഹനങ്ങളുടെ സഞ്ചാരം കാരണം റോഡും ശോചനീയവസ്ഥയിലാണ്. എതിര്ഭാഗത്തുനിന്നും വരുന്ന വാഹനങ്ങള് അപകടം നിറഞ്ഞ രീതിയിലാണ് കടന്നുപോകുന്നത്. ദിവസേന ഇരുപതിലധികം സ്കൂള് വാഹനങ്ങളും നിരവധി സ്കൂള് കുട്ടികളും സ്കൂളില് പോകുന്നതും ഇതുവഴിയാണ്. റോഡില് നിന്നും അമ്പതടി താഴ്ചയിലാണ് ക്ഷേത്രം സ്ഥിതിചെയ്യുന്നത്. പലപ്പോഴും അമിതഭാരം കയറ്റിവരുന്ന ടിപ്പറുകള്ക്ക് സൈഡ് കൊടുന്നതുകാരണം സ്കൂള് ബസുകളും മറ്റ് വാഹനങ്ങളും ഈ താഴ്ചയിലേക്കു മറിയുന്നത് നിത്യ സംഭവമാണെന്നും നാട്ടുകാര് പറയുന്നു. മറിയുന്ന വാഹനം ക്ഷേത്രമതിലില് തട്ടി നില്ക്കുന്നതു കാരണം വന്അപകടങ്ങള് ഒഴിഞ്ഞുമാറുകയാണെന്നും ഇതിനെതിരെ അധികൃതര്ക്ക് പലതവണ പരാതികള് നല്കിയിട്ടും നടപടികള് സ്വീകരിക്കാത്തതിലാണ് നാട്ടുകാര് ഇത്തരത്തില് തടഞ്ഞിട്ടതെന്നും അവര് പറയുന്നു. മണിക്കൂറുകള്ക്ക് ശേഷം മാരായമുട്ടം എസ്ഐ ഹരിലാലിന്റെ നേതൃത്വത്തിലെത്തിയ പോലീസ് സംഘം നാട്ടുകാരുമായി ചര്ച്ചനടത്തുകയും ഇത്തരത്തിലുള്ള വാഹനം ഇതുവഴി കടന്നുപോകിെല്ലന്ന് ഉറപ്പ് നല്കിയതിനെ തുടര്ന്ന് നാട്ടുകാര് ടിപ്പര് ലോറികളെ വിട്ടയച്ചു.
ഇടുങ്ങിയ റോഡില് അമിതഭാരം കയറ്റിവന്ന ടിപ്പറുകളെ നാട്ടുകാര് തടഞ്ഞിട്ടു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.