ആലപ്പുഴ: തലച്ചോറിന് രോഗം ബാധിച്ച പതിമൂന്നുകാരിയുടെ ചികിത്സയ്ക്കായി സുമനസ്സുകളുടെ കനിവ് തേടുന്നു. ആലപ്പുഴ മുല്ലയ്ക്കല് വില്ലേജില് കൊട്ടാരം പറമ്പ് വീട്ടില് സുരേഷ് കുമാറിന്റെ മകള് അമൃതാ സുരേഷിന്റ ചികിത്സയാണ് പണം ഇല്ലാത്തത് മൂലം ബുദ്ധിമുട്ടുന്നത്. സെറിബ്രല് ഫാള്സി എന്ന രോഗം പിടിപ്പെട്ട അമൃതയെ സാധാരണ ജീവിതത്തിലേക്ക് കൊണ്ടുവരണമെങ്കില് വിദഗ്ദ്ധ ചികില്സ ആവിശ്യമാണ്.
പ്രാഥമിക കാര്യങ്ങള് എങ്കിലും സ്വന്തമായി മക്കളെ കൊണ്ട് ചെയ്യിപ്പിക്കുന്നതിനുള്ള ശ്രമത്തിലാണ് മാതാപിതാക്കള്. ജനന സമയത്ത് കുട്ടിയെ പുറത്തെടുത്തപ്പോള് തലച്ചോറിന് ഉണ്ടായ തകരാറിനെ തുടര്ന്നാണ് രോഗം പിടിപെട്ടത്. ഡ്യൂട്ടി ഡോക്ടര് സ്ഥലത്തില്ലാതിരുന്നപ്പോള് ഹൗസ് സര്ജന്മാര് കുട്ടിയുടെ തലയില് ചവണ ഉപയോഗിച്ച് വലിച്ചെടുത്തപ്പോള് ഉണ്ടായതാണ് തകരാറെന്ന് പിന്നീടുള്ള ചികില്സയില് കണ്ടെത്തി.
തലച്ചോറിലെ ഞരമ്പിന് ചതവേറ്റതിനാല് കമഴ്ന്നു വീഴുന്നതുള്പ്പെടെ കുട്ടി ചെയ്യേണ്ട കാര്യങ്ങള് കൃത്യസമയത്ത് ചെയ്തില്ല തുടര്ന്നുള്ള ചികില്സയിലാണ് രോഗകാരണം കണ്ടെത്തിയത്. മാസം മൂവായിരം രൂപയുടെ അലോപ്പതി മരുന്ന് നല്കി വരികയായിരുന്നു അമൃതയ്ക്ക് ഇതിനിടയില് കുടുംബത്തെ ഏക വരുമാന മാര്ഗ്ഗമായ അച്ഛന് സുരേഷ് കുമാറിന് നട്ടെല്ലിന് ഗുരുതര പരിക്കേറ്റതോടെ പണം ഇല്ലാത്തതിനാല് അമൃതയ്ക്ക് നല്കിവന്നിരുന്ന ഫിസിയോ തെറാപ്പി ചികിത്സയും മുടങ്ങി. ഇടയ്ക്ക് നല്കിയ അയുര്വ്വേദ ചികില്സയെ തുടര്ന്ന് കുട്ടിയില് കാര്യമായ മാറ്റം വന്നു തുടങ്ങിയിരുന്നു.
അലോപ്പതി മരുന്നിനൊപ്പം മാസം മൂവായിരം രൂപയുടെ ആയുര്വ്വേദ മരുന്നും ഇപ്പോള് നല്കാനാണ് ഡോക്ടര്മാര് നിര്ദ്ദേശിച്ചിരിക്കുന്നത്. ഒപ്പം കുട്ടിയെ കൊല്ലം അമൃതാ ആയുര്വേദ ആശുപത്രിയില് കിടത്തി ചികിത്സിച്ചാല് കാര്യമായ മാറ്റം ഉണ്ടാകും. ഇതിന് മാസം ഒന്നര ലക്ഷം രൂപാ ചെലവ് വരും. പിതാവിന് നട്ടെല്ലിന് ക്ഷതമേറ്റ് ചികില്സയിലായതിനാല് രണ്ട് രോഗികള് അടങ്ങുന്ന നാലംഗ കുടുംബം അമൃതയുടെ ചികിത്സയ്ക്ക് പണം എങ്ങനെ കണ്ടെത്തണമെന്നറിയാതെ വിഷമിക്കുകയാണ്.
സുമനസ്സുകള് കനിഞ്ഞാലേ അമൃതയ്ക്കും കുടുംബത്തിനും നേരേനില്ക്കാന് കഴിയൂ. അമൃതയുടെ ചികില്സാ സഹായത്തിനായി എസ്ബിഐ ആലപ്പുഴ കളര്കോട് ശാഖയില് ജോയിന്റ് അക്കൗണ്ട് തുടങ്ങിയിട്ടുണ്ട്. അമൃതാ സുരേഷ് / അനിതാ സുരേഷ് അക്കൗണ്ട് നമ്പര് 3510009 75 22. കഎടഇ. ടആകചഛഛഛ 12 874, ഫോണ്: 9142 758737, 9048511145.
