ചെറുതോണി: ജില്ലയില് മൊബൈല് ബാറുകളും വ്യാജ മദ്യവില്പ്പനയും വ്യാപകം. പരാതികള് ഏറിയെങ്കിലും പരിശോധനക്ക് അധികൃതര് തയ്യാറാകാത്തതാണ് ഇടുക്കിയില് വ്യാജമദ്യലോബി വിലസുന്നതിന് കാരണമാകുന്നത് അനധികൃത മദ്യകച്ചവടക്കാരെ എക്സൈസും, പോലീസും സഹായിക്കുന്നത് വ്യാജമദ്യകച്ചവടം കൊഴുപ്പിക്കുന്നു. ജില്ലയില് പലയിടത്തും ബിവറേജ് കോര്പ്പറേഷനുകള് അടച്ചുപൂട്ടിയപ്പോള് പല ടൗണുകളിലും അനധികൃത മദ്യലോബി തലപൊക്കുകയായിരുന്നു. കൃത്യമായ വിവരങ്ങളും, തെളിവുകളും ഉണ്ടെങ്കിലും ഇവരെ നിയന്ത്രിക്കാന് പോലീസിനോ, എക്സൈസിനോ കഴിയുന്നില്ല. മാസാ മാസം ലഭിക്കുന്ന മുന്തിയ പടിയാണ് ഇതിന് കാരണമെന്നാണ് നാട്ടുകാരുടെ ആക്ഷേപം. ജില്ലാ ആസ്ഥാനത്തെ വിവിധ ടൗണുകളില്നിന്നും വ്യാജമദ്യ വില്പനയെക്കുറിച്ച് നിരന്തരമായി പരാതികള് കിട്ടുന്നുണ്ടെങ്കിലും ഇവര് നടപടി സ്വീകരിക്കാന് തയ്യാറാകുന്നില്ല. തമിഴ്നാട്ടില് നിന്നും എത്തിക്കുന്ന വ്യജമദ്യം ജില്ലയില് ദുരന്തം വിതയ്ക്കുമെന്ന ഭീതിയിലാണ് നാട്ടുകാര്. എക്സൈസും, പോലീസും അടിയന്തിരമായി ഉണര്ന്നു പ്രവര്ത്തിച്ചില്ലയെങ്കില് ജില്ലയില് വ്യാജമദ്യദുരന്തം തന്നെയുണ്ടാകുമെന്ന് നാട്ടുകാര് പറയുന്നു.
ജില്ലയില് വ്യാജമദ്യം വ്യാപകം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.