പയ്യാവൂര്‍ : അലക്‌സ് നഗര്‍ ചെരിക്കോട് കാഞ്ഞിലേരി പ്രദേശവാസികളുടെ ചിരകാല സ്വപ്ന പദ്ധതിയായ അലക്‌സ് നഗര്‍-കാഞ്ഞിലേരി കോണ്‍ക്രീറ്റ് പാലത്തിന്റെ നടപടി ക്രമങ്ങള്‍ പൂര്‍ത്തിയാക്കി എത്രയും പെട്ടെന്ന് പണി ആരംഭിക്കണമെന്ന് അലക്‌സ് നഗര്‍ സത്യന്‍ സ്മാരക വായനശാല ഭരണസമിതിയോഗം ആവശ്യപ്പെട്ടു. നാട്ടുകാരുടെ നിരന്തരമായ നിവേദനങ്ങളുടെ ഫലമായി 2015 ജനുവരി മാസം ഡിപ്പാര്‍ട്ട്‌മെന്റ് തല പരിശോധനകള്‍ നടത്തുകയും ആറ് ലക്ഷം രൂപ അനുവദിക്കുകയും ചെയ്തിരുന്നു. പാലം നിര്‍മ്മാണത്തിനാവശ്യമായ സ്ഥലം വിട്ടുകിട്ടിയിട്ടും ഒരുവര്‍ഷം കഴിഞ്ഞിട്ടും യാതൊരു പ്രവര്‍ത്തിയും നടന്നില്ല. 1985 പണിത തൂക്കുപാലം തന്നെയാണ് ഈനാട്ടുകാരുടെ ആശ്രയം. അപകടാവസ്ഥയിലായ തൂക്കുപാലത്തിലൂടെ വിദ്യാര്‍ത്ഥികള്‍ അടക്കമുള്ളവര്‍ ജീവന്‍പണയംവെച്ചാണ് യാത്ര ചെയ്യുന്നത്. അതിനാല്‍ പാലംപണി എത്രയും വേഗം പൂര്‍ത്തിയാക്കണമെന്ന് സത്യന്‍സ്മാരക വായനശാല ഭരണസമിതി യോഗം ആവശ്യപ്പെട്ടു. എം.ബാലന്‍, ജോബി മാത്യു, ജോയി പണ്ടാരശ്ശേരില്‍, പ്രദീപന്‍ സി.ആര്‍, ജോയി ആര്‍.എ., പുരുഷു ഇ.വി.എന്നിവര്‍ സംസാരിച്ചു.
അലക്‌സ് നഗര്‍-കാഞ്ഞിലേരി പാലം പണി ഉടന്‍ ആരംഭിക്കണമെന്ന ആവശ്യം ശക്തം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.