തിരുവനന്തപുരം: ബാലഗോകുലത്തിന്റെ ആശയങ്ങള് എല്ലാ കുടുംബങ്ങളിലും എത്തിച്ചില്ലെങ്കില് മറ്റുചിലര് തെറ്റായ സന്ദേശം നല്കുമെന്ന് ബാലഗോകുലം സംസ്ഥാന നിര്വ്വാഹക സമിതി അംഗം നാരായണശര്മ്മ പറഞ്ഞു. ബാലഗോകുലം സംഘടിപ്പിക്കുന്ന ശ്രീകൃഷ്ണ ജയന്തി ബാലദിനത്തിന്റെ ജില്ലാതല സ്വാഗതസംഘം രൂപീകരണയോഗത്തില് മുഖ്യപ്രഭാഷണം നടത്തുകയായിരുന്നു അദ്ദേഹം. ഇന്ന് നമ്മുടെ കുട്ടികള്ക്കു
ബാലഗോകുലം തിരുവനന്തപുരം മഹാനഗരം ശ്രീകൃഷ്ണ ജയന്തി സ്വാഗതസംഘ രൂപീകരണം സംസ്കൃതി ഭവന് ഡയറക്ടര് പി. പരമോശ്വര് കൃഷ്ണ വിഗ്രഹത്തില് മാല ചാര്ത്തി ഉദ്ഘാടനം ചെയ്യുന്നു. ഡി. നാരായണ ശര്മ്മ, അനീഷ്, സുനില് .കെ, പി. ശ്രീകുമാര് സമീപം
ചുറ്റും ചതിക്കുഴികളാണ്. ഇരുമുന്നണികളും ഹിന്ദുസമൂഹത്തിന്റെ പ്രശ്നങ്ങള്ക്കുമുന്നില് മുഖം തിരിഞ്ഞുനില്ക്കുകയാണ്. ഈ സാമൂഹ്യപശ്ചാത്തലത്തിലാണ് ബാലഗോകുലത്തിന്റെ പ്രസക്തി. ബാലഗോകുലവുമായി ചേര്ന്ന് പ്രവര്ത്തിക്കുന്ന കുട്ടികള്ക്ക് ഒരിക്കലും ഭീകരവാദത്തിന് ജയ്വിളിക്കാനാകില്ല. രാഷ്ട്രസ്നേഹമുള്ള ഒരു തലമുറയെ വളര്ത്തിയെടുക്കാന് ബാലഗോകുലത്തിന്റെ സ്വാധീനം നിറഞ്ഞുനില്ക്കണമെന്നും അദ്ദേഹം പറഞ്ഞു. ഭാരതീയ വിചാരകേന്ദ്രം ഡയറക്ടര് പി. പരമേശ്വരന് കൃഷ്ണവിഗ്രഹത്തില് തുളസിമാല ചാര്ത്തിയാണ് യോഗം ഉദ്ഘാടനം ചെയ്തത്. ഈ വര്ഷത്തെ ശ്രീകൃഷ്ണ ജയന്തിയും ശോഭായാത്രയും ഏറ്റവും ഭംഗിയായി നടത്താന് യോഗത്തില് തീരുമാനമായി. ബാലഗോകുലം ജില്ലാസെക്രട്ടറി പി.ശ്രീകുമാര് അദ്ധ്യക്ഷതവഹിച്ച യോഗത്തില് ബാലഗോകുലം മഹാനഗരം കാര്യദര്ശി കെ. സുനില്, ആര്എസ്എസ് ജില്ലാ കാര്യവാഹ് അനീഷ് എന്നിവരും സംസാരിച്ചു.
