ആലുവ: സനാതനധര്മ്മം അനുഷ്ഠിച്ചാല് സകലപ്രശ്നങ്ങള്ക്കും പരിഹാരമാകുമെന്ന് ശ്രീരാമദാസമിഷന് എറണാകുളം മഠാധിപതി സ്വാമി സത്യാനന്ദതീര്ത്ഥപാദര് ഉദ്ബോധിപ്പിച്ചു. ബിഎംഎസ് ഹാളില് നടന്ന വിശ്വഹിന്ദുപരിഷത്ത് ജില്ലാ സമ്മേളനത്തില് അനുഗ്രഹപ്രഭാഷണം നടത്തുകയായിരുന്നു സ്വാമികള്. ദിനചര്യ കൃത്യമായി പാലിച്ചാല് ഒരുതരത്തിലും രോഗങ്ങളും ഉണ്ടാകില്ല. നമ്മുടെ പ്രകൃതിയെ ചൂഷണംചെയ്യാതെ അതിനെ സംരക്ഷിക്കേണ്ടത് ഓരോരുത്തരുടെയും കടമയാണെന്ന് അദ്ദേഹം പറഞ്ഞു.
സമ്മേളനം ഡോ. കേണല് കെ.ആര്. നായര് ഉദ്ഘാടനം ചെയ്തു. ജില്ലാ പ്രസിഡന്റ് വി.എസ്. പത്മനാഭന് അദ്ധ്യക്ഷത വഹിച്ചു. വിശ്വഹിന്ദുപരിഷത്ത് സംസ്ഥാന ജോയിന്റ് സെക്രട്ടറി പി.ജി. കണ്ണന് മുഖ്യപ്രഭാഷണം നടത്തി. ശബരിമലയില് ഇന്ന് നിലനില്ക്കുന്ന സ്ഥിതിയില് തന്നെ സ്ത്രീകള്ക്കുള്ള പ്രവേശനം തുടരണമെന്നും ആലുവ ശിവരാത്രി ആഘോഷം നടക്കുന്ന മഹാദേവ ക്ഷേത്രം ദേശീയ തീര്ത്ഥാടനകേന്ദ്രമാക്കണമെന്നും സമ്മേളനം ആവശ്യപ്പെട്ടു.
ഭാരവാഹികളായി കെ. കൃഷ്ണകുമാര് (പ്രസിഡന്റ്), ജി. ഉണ്ണികൃഷ്ണക്കുറുപ്പ്, കെ.ജി. രവീന്ദ്രന് (വൈസ് പ്രസിഡന്റ്), ഉല്ലാസ് വെളിയത്ത് (സെക്രട്ടറി), ടി.യു. മനോജ് (ജോ.സെക്രട്ടറി), കെ.പി. ശശീന്ദ്രന് (്രടഷറര്), ജയന് കപ്രശ്ശേരി (സേവാപ്രമുഖ്), കെ.പി. വാസു (അര്ച്ചക് പ്രമുഖ്), പി.എ. ശശിധരന് (സത്സംഗ പ്രമുഖ്) എന്നിവരെ തെരഞ്ഞെടുത്തു.
