വിളപ്പില്: സ്വകാര്യ കെട്ടിടസമുച്ചയത്തില് നിന്നും കക്കൂസ് മാലിന്യം പൊതുഓടയിലേക്കു ഒഴുക്കിയത് നാട്ടുകാര് തടഞ്ഞു. പേയാട് കൃപ ആശുപത്രിക്ക് സമീപം പുതിയതായി നിര്മ്മിച്ച ഫഌറ്റിലെ കക്കൂസ് മാലിന്യമാണ് രഹസ്യമായി സ്ഥാപിച്ച പൈപ്പുവഴി ഓടയിലേക്ക് ഒഴുക്കിവിട്ടിരുന്നത്. ഈ പൊതു ഓടയിലെ മലിനജലം ഒഴുകിയെത്തുന്നത് നഗരത്തിന്റെയും വിളപ്പില് പഞ്ചായത്തിന്റെയും കുടിവെള്ള ശ്രോതസ്സായ കരമനയാറിലേക്കാണ്.
പ്രദേശത്ത് ദുര്ഗന്ധം സഹിക്കാതായപ്പോള് നാട്ടുകാരില് ചിലരാണ് ഓടവഴി കക്കൂസ് മാലിന്യം ഒഴുകുന്നത് കണ്ടെത്തിയത്. ആരോഗ്യവ
സ്വകാര്യ കെട്ടിടസമുച്ചയത്തില് നിന്ന് കക്കൂസ് മാലിന്യം പൊതുഓടയിലേക്ക് ഒഴുക്കിയത് പോലീസും ആരോഗ്യവകുപ്പധികൃതരും പരിശോധിക്കുന്നു
കുപ്പ് അധികൃതര് സ്ഥലത്തെത്തി തെളിവുകള് ശേഖരിച്ചു. ഫഌറ്റ് ഉടമയ്ക്കെതിരെ വിളപ്പില്ശാല പോലീസ് കേസ്സെടുത്തു.
പേയാട് ജംഗ്ഷനു സമീപമുള്ള ദാമോദരന്റെ ഫഌറ്റില് ഇന്നലെ രാവിലെയാണ് സംഭവം നടന്നത്. കെട്ടിടത്തിനു മുന്നിലെ രണ്ട് സെപ്റ്റിടാങ്കില് നിന്നും വലിയ പൈപ്പുകള് വഴിയാണ് മാലിന്യം ഓടയിലേക്ക് ഒഴുക്കിരുന്നത്. എന്നാല് ഈ പൈപ്പുകള് അടഞ്ഞതോടെ ടാങ്കുകള് നിറഞ്ഞ് ദുര്ഗന്ധം വമിക്കുന്ന സ്ഥിതിയായി. ഇതോടെ ജോലിക്കാരെ നിര്ത്തി ഉടമ ടണ്കണക്കിന് മാലിന്യം സമീപത്തെ ഒഴിഞ്ഞ പുരയിടത്തിലും ഓടയിലേക്കും കോരി ഒഴിക്കുകയായിരുന്നു. ഇതു ശ്രദ്ധയില്പെട്ട നാട്ടുകാര് പഞ്ചായത്തംഗങ്ങളെയും പോലീസിനെയും വിളിച്ചു വരുത്തി ജോലി തടയുകയായിരുന്നു. മൂന്ന് നിലയുള്ള കെട്ടിടം ആറുകുടുംബങ്ങള്ക്കാണ് വാടകയ്ക്ക് നല്കിയിരുന്നത്. എന്നാല് മാലിന്യ സംസ്കരണത്തിനുള്ള സംവിധാനം ഫഌറ്റില് ഉണ്ടായിരുന്നില്ലത്രെ. പരാതിയെത്തുടര്ന്ന് പഞ്ചായത്ത് അധികൃതര് നേരിട്ടെത്തി പൈപ്പുകള് കോണ്ക്രീറ്റ് ഉപയോഗിച്ച് അടച്ചിരുന്നു. എന്നാല് ഇത് ഉടമ പൊളിച്ചുമാറ്റിയതായി അധികൃതര് പറഞ്ഞു. കുടിവെള്ള ശ്രോതസ്സായ കരമനയാറില് മലിന ജലം കലര്ന്നിട്ടുണ്ടോയെന്ന് പരിശോധിക്കുമെന്നും ശേഖരിച്ച മാലിന്യ സാമ്പിള് പരിശോധനയ്ക്ക് അയച്ച് റിപ്പോര്ട്ട് പോലീസിന് കൈമാറുമെന്നും ആരോഗ്യ വകുപ്പ് അധികൃതര് പറഞ്ഞു.
അടിയന്തരമായി ഓട വൃത്തിയാക്കാനും പുരയിടത്തിലെ മാലിന്യം മണ്ണിട്ട് മൂടാനും ഉടമയ്ക്ക് പോലീസ് നിര്ദേശം നല്കി. ഫഌറ്റ് ഉടമ ദാമോദരനെതിരെ കേസ്സെടുത്തതായും വിളപ്പില് എസ്.ഐ ബൈജു പറഞ്ഞു. വിളപ്പില് പഞ്ചായത്ത് പ്രസിഡന്റ് വിജയരാജ്, പഞ്ചായത്തംഗങ്ങളായ ശൈലജ, സി.എസ്. അനില്, ബിജുദാസ്, ഹെല്ത്ത് ഇന്സ്പെക്ടര് രവീന്ദ്രന് എന്നിവരും സ്ഥലത്തെത്തിയിരുന്നു.
