ന്യൂമാഹി: രൂക്ഷമായ കടലേറ്റഭീഷണിയില്പെട്ട് കെടുതികളനുഭവിക്കുന്ന പുന്നോല് പെട്ടിപ്പാലം പ്രദേശവും തീരപ്രദേശവും റവന്യൂ അധികര് സന്ദര്ശിച്ചു. മേഖലയില് കടലേറ്റത്തില് ഏറ്റവും ദുരിതമനുഭവിക്കുന്നത് പെട്ടിപ്പാലം കോളനിയിലെ 76 കുടുംബങ്ങളാണ്. റവന്യൂ അധികൃതരുടെ മുമ്പാകെ അവര് പരാതികള് ഉന്നയിച്ചു. ഡെപ്യൂട്ടി കലക്ടര് സി.ബിജു, തലശ്ശേരി തഹസീല്ദാര് കെ.രവീന്ദ്രന്, ഡെപ്യൂട്ടി തഹസീല്ദാര് വി.മോജ്, കോടിയേരി വില്ലേജ് ഓഫീസര് സി.പി.പുരുഷോത്തമന് എന്നിവരാണ് സ്ഥലം സന്ദര്ശിച്ചത്. വാര്ഡ് അംഗം യു.കെ.പ്രീതയും സ്ഥലത്തെത്തി.
പെട്ടിപ്പാലം കോളനിയിലെ 76 കുടുംബങ്ങള്ക്കും സൗജന്യ റേഷന് അനുവദിക്കണമെന്ന് ജില്ലാ കലക്ടര്ക്ക് ശുപാര്ശ സമര്പ്പിക്കുമെന്ന് തഹസീല്ദാര് പറഞ്ഞു. കടലേറ്റ ഭീഷണിനേരിടുന്ന അഞ്ഞൂറ് മീറ്ററോളം വരുന്ന പ്രദേശത്ത് 50 മീറ്ററിലും പുളിമുട്ടുകള് സ്ഥാപിക്കാനും കടല്ഭിത്തി ഉയരം കൂട്ടി ബലപ്പെടുത്താനും ശുപാര്ശ സമര്പ്പിക്കും.
അമ്പത്താറ് കുടുംബങ്ങള്ക്കും പ്രാഥമികാവശ്യങ്ങള് നിര്വ്വഹിക്കുന്ന ശൗചാലയമോ കുളിമുറിയോ ഇല്ലാത്ത് ഇവരെ കൂടുതല് ദുരിതത്തിലാക്കുന്നു. കുടിവെള്ളപ്പൈപ്പുകളില് ചിലത് വളരെ വൃത്തിഹീനമായ സ്ഥലത്താണുള്ളത്. ഇക്കാര്യങ്ങള് ബന്ധപ്പെട്ടവരുടെ ശ്രദ്ധയില്പ്പെടുത്തുമെന്ന് തഹസീല്ദാര് അറിയിച്ചു.
