കൂടാളി: കാല്നടയാത്രക്കാരുടെ ദേഹത്ത് ചെളിവെള്ളം തെറിപ്പിച്ച് അമിതവേഗത്തില് ബസ്ഓടിച്ച ഡ്രൈവറെ സ്ത്രീകളടക്കുമുള്ള നാട്ടുകാര് ചെളിവെള്ളത്തില് കുളിപ്പിച്ചു. കണ്ണൂര് മട്ടന്നൂര് റോഡില് ചാലോടിന് സമീപം ഇന്നലെ രാവിലെയായിരുന്നു സംഭവം. കൂടാളിക്കും ചാലോടിനുമിടയില് റോഡിലൂടെ നടന്നുപോവുകയായിരുന്ന മൂന്ന് സ്ത്രീകളുടെ ദേഹത്താണ് മത്സര ഓട്ടം നടത്തിയ ബസ് ചെളിവെള്ളം തെറിപ്പിച്ചത്. ബസ്സിന്റെ അമിത വേഗതകണ്ട് സ്ത്രീകള് റോഡില് നിന്ന് മാറിനിന്ന് കുട മറയാക്കിപ്പിടിച്ചെക്കിലും ഇതൊന്നും ശ്രദ്ധിക്കാതെ ഡ്രൈവര് ചെളിവെള്ളം ഇവരുടെ ദേഹത്ത് തെറിപ്പിക്കുകയായിരുന്നു. കണ്ണൂരില് നിന്നും ഇരിട്ടി ഭാഗത്തേക്ക് പോകുകയായിരുന്നു ബസ്സ്. ചെളിയില് കുളിച്ച സ്ത്രീകള് ഇതിന് ചുട്ട മറുപടി നല്കാന് തീരുമാനിച്ചതോടെയാണ് നാട്ടുകാരുടെ സഹകരണത്തോടെ ഇന്നലെ രാവിലെ ബസ് തടഞ്ഞുനിര്ത്തി ഡ്രൈവറുടെ തലയിലൂടെ ചെളിവെള്ളം ഒഴിച്ചത്.
ചെളി തെറിപ്പിച്ച ബസ് ഡ്രൈവറെ സ്ത്രീകളടക്കമുള്ള സംഘം ചെളിവെള്ളത്തില് കുളിപ്പിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.