വണ്ണപ്പുറം: ടൗണിന് സമീപം വീടിന് തീപിടിച്ചത് പരിഭ്രാന്തി പരത്തി. ഇന്നലെ വൈകിട്ട് 6.30 യോടെയാണ.് മുണ്ടന്മുടി റോഡില് ചീങ്കല്സിറ്റിയ്ക്ക് സമീപം പുരയിടത്തില് തങ്കപ്പന്റെ വീടിന് തീപിടിച്ചത്. ഷോര്ട്ട് സര്ക്ക്യൂട്ടിനെ തുടര്ന്ന് തീ ആളി പടരുകയായിരുന്നു. തീ പടരുന്ന സമയത്ത് മൂത്ത മകന് ഡാനിയും കുടുംബവും വീട്ടിലുണ്ടായിരുന്നു. തീയുടെ ചൂടില് ഓട് പൊട്ടി തെറിച്ചു. വീടിന്റെ അടുക്കള പൂര്ണ്ണമായും കത്തി നശിച്ചു. മേല്ക്കൂരയ്ക്കും സാരമായി കേടുപാട് സംഭവിച്ചിട്ടുണ്ട്. ഏകദേശം ഒരുലക്ഷം രൂപയുടെ നാശനഷ്ടം കണക്കാക്കുന്നു. വിവരമറിഞ്ഞ് തൊടുപുഴയില് നിന്നും ഫയര്ഫോഴ്സ് എത്തിയെങ്കിലും നാട്ടുകാര് തീയണച്ചിരുന്നു. സമീപത്ത് ഫയര്സ്റ്റേഷനില്ലാത്തത് രക്ഷാ പ്രവര്ത്തനത്തെ സാരമായി ബാധിച്ചു. ഇതോടെ വണ്ണപ്പുറത്ത് ഫയര്സ്റ്റേഷന് വേണമെന്ന ആവശ്യം ശക്തമാകുയാണ്.മുന്പും ഇത്തരത്തില് നിരവധി അപകടങ്ങള് ഇവിടെ ഉണ്ടായിട്ടുണ്ടെങ്കിലും ഈ ആവശ്യത്തിന് വേണ്ട പരിഗണന ലഭിച്ചിട്ടില്ല എന്നാണ് നാട്ടുകാര് ആരോപിക്കുന്നത്.
വീടിന് തീപിടിച്ചത് പരിഭ്രാന്തി പരത്തി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.