കണ്ണൂര്‍: പളളിക്കുന്ന് ഗവ.ഹയര്‍ സെക്കണ്ടറി സ്‌ക്കൂള്‍ കെട്ടിടോദ്ഘാടനവും ഉന്നത വിജയികളെ അനുമോദിക്കലും ജൂലായ് 1 ന് നടക്കുമെന്ന് സ്‌ക്കൂള്‍ അധികൃതര്‍ പത്രസമ്മേളനത്തില്‍ പറഞ്ഞു. പരിപാടി ഉച്ചക്ക് 12 മണിക്ക് മന്ത്രി ഇ.പി.ജയരാജന്‍ ഉദ്ഘാടനം ചെയ്യും. കെ.എം.ഷാജി എംഎല്‍എ അധ്യക്ഷത വഹിക്കും. കോര്‍പ്പറേഷന്‍ മേയര്‍ ഇ.പി.ലത മുഖ്യാതിഥിയായി പങ്കെടുക്കും. സ്‌ക്കൂളില്‍ നിന്നും എസ്എസ്എല്‍സി, ഹയര്‍സെക്കണ്ടറി പരീക്ഷകളില്‍ ഉന്നതവിജയം നേടിയ വിദ്യാര്‍ത്ഥികള്‍ക്ക് പിടിഎ ഏര്‍പ്പെടുത്തിയ കേഷ് അവാര്‍ഡ് വിതരണവും എന്‍എംഎംഎസ് സ്‌കോളര്‍ഷിപ്പ്, സംസ്‌കൃതം സ്‌കോളര്‍ഷിപ്പ്, സ്‌കൗട്ട് രാജ്യ പുരസ്‌കാര്‍ എന്നിവ നേടിയ വിദ്യാര്‍ത്ഥികളേയും അനുമോദിക്കും. ചടങ്ങില്‍ കൗണ്‍സിലര്‍ ടി.കെ.വസന്ത, ഹയര്‍ സെക്കണ്ടറി റീജണല്‍ ഡെപ്യൂട്ടി ഡയറക്ടര്‍ സതീറാണി, ജില്ലാ വിദ്യാഭ്യാസ ഓഫീസര്‍ യു.കരുണാകരന്‍, ആകാശവാണി പ്രോഗ്രാം എക്‌സിക്യൂട്ടീവ് കെ.ബാലചന്ദ്രന്‍ എന്നിവര്‍ സംബന്ധിക്കും. പത്രസമ്മേളനത്തില്‍ പിടിഎ പ്രസിഡണ്ട് എ.ഗിരീഷ് കുമാര്‍,ഹയര്‍സെക്കണ്ടറി പ്രിന്‍സിപ്പാള്‍ ഗീതാപാലക്കന്‍, ഹെഡ്മിസ്ട്രസ് കെ.സരസ്വതി, ആര്‍ടിസ്റ്റ് ശശികല, വര്‍ഗ്ഗീസ് കളത്തില്‍ എന്നിവര്‍ പങ്കെടുത്തു.
കെട്ടിടോദ്ഘാടനവും ഉന്നത വിജയികളെ അനുമോദിക്കലും 1 ന്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.