നെയ്യാറ്റിന്കര: എബിവിപി പ്രവര്ത്തകര്ക്ക് നേരെ എസ്എഫ്ഐ സിപിഎം അക്രമണം. വിദ്യാര്ത്ഥിനികളടക്കം പത്തോളം പേര്ക്ക് പരിക്കേറ്റു. കഴിഞ്ഞ ദിവസം രാവിലെ 9 മണിക്കായിരുന്നു സംഭവം. എബിവിപിയുടെ വിദ്യാഭ്യാസ ബന്ദിനോടനുബന്ധിച്ച് നടത്തിയ പ്രകടനത്തിനുനേരെയാണ് ആക്രമണമുണ്ടായത്. ഒറ്റശേഖരമംഗലം ഗവണ്മെന്റ് ഹയര്സെക്കന്ററി സ്കൂളിനു സമീപം പ്രകടനമായിയെത്തിയ എബിവിപി പ്രവര്ത്തകര്ക്ക് നേരെ സിപിഎം ലോക്കല് സെക്രട്ടറിയുടെ നേതൃത്വത്തിലെത്തിയ എസ്എഫ്ഐ-സിപിഎം ഗുണ്ടകള് അക്രമം അഴിച്ചുവിടുകയായിരുന്നു. വിദ്യാര്ത്ഥിനികളക്കം പത്തോളം പ്രവര്ത്തകര്ക്ക് മര്ദ്ദനത്തില് പരിക്കേറ്റു.
ഒറ്റശേഖരമംഗലം ഹയര്സെക്കന്ററി സ്കൂളിലെ വിദ്യാര്ത്ഥികളായ അഖില്, അഭിജിത്ത്, വിവേക് എന്നിവരെ വെള്ളറട ആശുപത്രിയിലും പെണ്കുട്ടികളടക്കം മറ്റ് വിദ്യാര്ത്ഥികളെ നെയ്യാറ്റിന്കര ജനറല് ആശുപത്രിയിലും പ്രവേശിപ്പിച്ചു. ഭരണത്തിന്റെ സ്വധീനം ഉപയോഗിച്ച് എബിവിപി പ്രവര്ത്തകരെ അക്രമിച്ച് കീഴ്പ്പെടുത്തുന്ന സിപിഎമ്മിന്റെ അക്രമരാഷ്ട്രീയം അവസാനിപ്പിക്കണമെന്നും സമാധാനപരമായ സമരത്തിനു നേരെ അക്രമണം നടത്തിയ പ്രതികളായ സിപിഎം എസ്എഫ്ഐ ഗുണ്ടകളെ എത്രയും വേഗം അറസ്റ്റ് ചെയണമെന്നും ബിജെപി പാറശാല നിയോകമണ്ഡലം സെക്രട്ടറി നെടിയാംകോട് അജേഷ് അഭിപ്രായപ്പെട്ടു.
