കണ്ണൂര്‍: ജെറോമിക് ജോര്‍ജ്ജ് കണ്ണൂരില്‍ പുതിയ അസിസ്റ്റന്റ് കലക്ടറായി നിയമിതനായി. 2014 സിവില്‍ സര്‍വ്വീസ് പരീക്ഷയില്‍ 72-ാം റാങ്കോടെയാണ് അദ്ദേഹം ഐഎഎസ് നേടിയത്. കോട്ടയം ജില്ലയിലെ പാല സ്വദേശിയാണ്. വി.വി.ജോര്‍ജ്ജ്-മേഴ്‌സി ജോര്‍ജ്ജ് ദമ്പതികളുടെ മകനായ ജെറോമിക് ജോര്‍ജ്ജ് ഡല്‍ഹി സെന്റ് കൊളംബസ് സ്‌കൂള്‍, സെന്റ് സ്റ്റീഫന്‍സ് കോളേജ് എന്നിവിടങ്ങളിലായിരുന്നു പഠിച്ചത്. തുടര്‍ന്ന് രാജസ്ഥാന്‍ സെന്‍ട്രല്‍ യൂണിവേഴ്‌സിറ്റിയില്‍ നിന്ന് സ്വര്‍ണ്ണമെഡലോടെ സാമ്പത്തിക ശാസ്ത്രത്തില്‍ ബിരുദാനന്തര ബിരുദം നേടി. രാജസ്ഥാന്‍ സെന്‍ട്രല്‍ യൂണിവേഴ്‌സിറ്റിയുടെ മെറിറ്റ് സ്‌കോളര്‍ഷിപ്പ്, ദേശീയതലത്തില്‍ ക്വിസ് മത്സരങ്ങളില്‍ നിരവധി പുരസ്‌കാരങ്ങള്‍ എന്നിവയും കരസ്ഥമാക്കിയിട്ടുണ്ട്. ഫോണ്‍: 8138097377
കലക്ടറുടെ ചേംബറില്‍ നടന്ന ചടങ്ങില്‍ ജില്ലാ കലക്ടര്‍ പി.ബാലകിരണ്‍ പുതിയ അസി. കലക്ടറെ സ്വാഗതം ചെയ്തു. എഡിഎം എച്ച്.ദിനേശന്‍, ഇലക്ഷന്‍ ഡെപ്യൂട്ടി കലക്ടര്‍മാരായ ഇ.സജീവ്, ഡോ.പി.കെ.ജയശ്രീ മറ്റു ജീവനക്കാര്‍ തുടങ്ങിയവര്‍ സംസാരിച്ചു.
