കുമളി: അന്തര് സംസ്ഥാന സര്വീസ് നടത്തുന്ന പെര്മിറ്റ് കാലാവധി കഴിഞ്ഞ കെഎസ്ആര്ടിസി ബസ് വഴിയില് നിന്ന് തെന്നി മാറി പാടത്തിലേക്ക് ഓടിക്കയറി. കേരളത്തില് നിന്ന് തമിഴ്നാട്ടിലേക്ക് സര്വീസ് നടത്തുന്ന ചക്കുപള്ളം കമ്പം റൂട്ടിലോടുന്ന ബസാണ് അപകടത്തില് പെട്ടത്. കുമളിക്ക് സമീപം അട്ടപ്പള്ളത്ത് വച്ച് ഇന്നലെ ഉച്ചകഴിഞ്ഞ് മൂന്ന് മണിയോടെ നിറയെ തൊഴിലാളി ജീവനക്കാരുമായി കമ്പത്തേക്ക് പോകവെയാണ് അപകടം. വാഹനത്തിന്റെ പ്ലേറ്റ് ഒടിഞ്ഞതാണ് അപകട കാരണമെന്ന് ജീവനക്കാര് പറഞ്ഞു. ഡ്രൈവര് പി പി ഷാജന്റെ അവസരോചിത ഇടപെടല് മൂലം വന് ദുരന്തം ഒഴിവായി. നിറയെ കയറ്റവും വളവും മാത്രമുള്ള റൂട്ടിലോടുന്ന ഈ വണ്ടി ഏറെ കാലപഴക്കം ചെന്നതാണ്. ഏറെ ദുര്ഘടം നിറഞ്ഞ ഇത്തരം വഴികളിലൂടെ സര്വീസ് നടത്തുന്ന കെഎസ്ആര്ടിസിയുടെ ഭൂരിഭാഗം വണ്ടികളും സമാന അവസ്ഥയില് ഉള്ളതാണ്.
അട്ടപ്പള്ളത്ത് നിയന്ത്രണംവിട്ട ആനവണ്ടി വയലിലൂടെ ഓടി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.