അരൂര് മല്സ്യ മാര്ക്കറ്റിന് സമീപത്തെ
സെപ്റ്റിക് ടാങ്ക് തകര്ന്ന നിലയില്
അരൂര്: പഞ്ചായത്തിന്റെ ഷോപ്പിങ്ങ് കോംപ്ലക്സിന്റെ സെപ്റ്റിക്ടാങ്ക് പൊട്ടിയൊഴുകുന്നു. വൃത്തിയാക്കാത്തതില് പ്രതിഷേധം ശക്തമായി. മല്സ്യ മാര്ക്കറ്റിന് സമീപത്ത് സ്ഥിതിചെയ്യുന്ന ടാങ്കിന്റെ വശമാണ് തകര്ന്നത്. ഇതിലൂടെ അതിരൂക്ഷമായ ദുര്ഗന്ധമാണ് വമിക്കുന്നത്.
ടാങ്കില് നിന്നും മലിന ജലം പുറത്തേക്ക് ഒഴുകുന്നതിനാല് മാര്ക്കറ്റിലേക്ക് എത്തുന്നവര്ക്ക് ഇതില് ചവിട്ടാതെ കടക്കുവാന് കഴിയാത്ത സ്ഥിതിയാണ്. പ്രതിദിനം മല്സ്യ വില്പ്പനക്കായും വാങ്ങുവാനുമായി നൂറുകണക്കിന് ആളുകളാണ് മാര്ക്കറ്റില് എത്തുന്നത്. ദുര്ഗന്ധംമൂലം മല്സ്യ വില്പ്പനക്കെത്തുന്ന തൊഴിലാളികളും ദുരിതത്തിലാണ്.
സാംക്രമിക രോഗങ്ങള് പടരുമെന്ന ആശങ്കയും ഉയര്ന്നിട്ടുണ്ട്. ടാങ്കിന്റെ അറ്റകുറ്റപ്പണികള് അടിയന്തരമായി പൂര്ത്തിയാക്കണമെന്ന ആവശ്യവും ഉയര്ന്നിട്ടുണ്ട്.
