അമ്പലപ്പുഴ: കേന്ദ്ര സര്ക്കാരിന്റെ പദ്ധതികളെക്കുറിച്ച് പ്രതിപാദിക്കുന്ന പ്രദര്ശനവും ബോധവല്ക്കരണ പരിപാടികളും അമ്പലപ്പുഴ തെക്ക് ഗ്രാമപഞ്ചായത്ത് പ്രസിഡന്റ് ജി. വേണുലാല് അമ്പലപ്പുഴ ശ്രീമൂലം ടൗണ് ക്ലബ് ഹാളില് ഉദ്ഘാടനം ചെയ്തു. ഫീല്ഡ് പബ്ലിസിറ്റി ഓഫീസര് സുധ എസ്. നമ്പൂതിരി അദ്ധ്യക്ഷത വഹിച്ചു. സുകന്യ സമൃദ്ധി യോജന, സ്കില് ഇന്ത്യ മിഷന് എന്നീ വിഷയങ്ങളെക്കുറിച്ച് ബോധവല്ക്കരണ ക്ലാസുകള് നടന്നു. കര്ഷക ക്ഷേമ പ്രവര്ത്തനങ്ങള്, യുവാക്കള്ക്കായുള്ള വിവിധ പദ്ധതികള്, സ്ത്രീ സുരക്ഷാ പദ്ധതികള്, ദരിദ്രര്ക്കായുള്ള വിവിധ ക്ഷേമ പദ്ധതികള്, സാമൂഹ്യ സുരക്ഷാ പദ്ധതികള് തുടങ്ങിയവയെക്കുറിച്ച് ജനങ്ങളില് അവബോധം വളര്ത്തുക എന്നതാണ് ഈ പരിപാടിയുടെ പ്രധാന ലക്ഷ്യം.
കേന്ദ്ര പരസ്യ ദൃശ്യ പ്രചാരണ വിഭാഗമാണ് ഫോട്ടോ പ്രദര്ശനം ഒരുക്കിയിരിക്കുന്നത്. കേന്ദ്ര ഫീല്ഡ് പബ്ലിസിറ്റി ഡയറക്ടേറ്റ് ആണ് ബോധവല്ക്കരണ പരിപാടികള് സംഘടിപ്പിക്കുന്നത്. ബിഎസ്എന്എല്, തപാല് വിഭാഗം, സ്കില് ഇന്ത്യ തുടങ്ങിയ വിഭാഗങ്ങളുടെ സ്റ്റാളും ബാങ്കുകള് വഴിയുള്ള പദ്ധതികളെക്കറിച്ചുള്ള സംശയ നിവാരണത്തിനായുള്ള സ്റ്റാളും പരിപാടിയുടെ ഭാഗമായി സജ്ജീകരിച്ചിട്ടുണ്ട്.
യുവജനങ്ങള്ക്കായി അസാപ് സ്റ്റേറ്റ് കോര്ഡിനേറ്റര് ഡോ. എസ്. രാജു കൃഷ്ണന്, സ്കില് ഇന്ത്യ മിഷനെക്കുറിച്ച് ദീന് ദയാല് ഉപാധ്യായ ഗ്രാമീണ് കൗശല് യോജന ഡിസ്ട്രിക്ട് കണ്സള്ട്ടന്റ് മുഹമ്മദ് ഷാന്, സ്വച്ഛ് ഭാരത് അഭിയാനെക്കുറിച്ച് ജില്ലാ ശുചിത്വ മിഷന് അസിസ്റ്റന്റ് കോര്ഡിനേറ്റര് ലോറന്സ് കെ.സി, സാമൂഹ്യ സുരക്ഷാ പദ്ധതികളെക്കുറിച്ച് ആലപ്പുഴ ഫിനാന്ഷ്യല് ലിറ്ററസി കോര്ഡിനേറ്റര് കെ.പി. ചന്ദ്രശേഖരന് നായര്, സ്ത്രീ സുരക്ഷയെക്കുറിച്ച് ആലപ്പുഴ വനിതാപോലീസ് സ്റ്റേഷന് എസ്ഐ ജെ. ശ്രീദേവി എന്നിയവര് നയിക്കുന്ന ക്ലാസുകള് വിവിധ ദിവസങ്ങളിലായി സംഘടിപ്പിച്ചിട്ടുണ്ട്.
23ന് വൈകീട്ട് നാലിന് കൊച്ചി ആകാശവാണി നിലയത്തിന്റെ ആഭിമുഖ്യത്തില് നാടന് പാട്ടുകള് അരങ്ങേറും. പ്രവേശനം സൗജന്യമാണ്.
