കണ്ണൂര്: വായനാവാരാചാരണത്തോടനുബന്ധിച്ച് കേന്ദ്ര മാനവ വിഭവശേഷി മന്ത്രാലയത്തിന്കീഴില് പ്രവര്ത്തിക്കുന്ന ജന്ശിക്ഷണ് സന്സ്ഥാനും സെന്ട്രല് പ്രിസണ് ആന്റ് കറപ്ഷന് ഹോം കണ്ണൂരും സംയുക്തമായി സംഘടിപ്പിച്ച വായനാവാരാചരണ പരിപാടി കണ്ണൂര് സെന്ട്രല് പ്രിസണ് ആന്റ് കറപ്ഷണല് ഹോമില്വെച്ച് നടത്തപ്പെട്ടു. ഇതിന്റെ ഭാഗമായി ജയില് അന്തേവാസികള്ക്ക് ക്വിസ് മത്സര പരിപാടിയും സംഘടിപ്പിച്ചു. മുഖ്യാതിഥിയായി വാണിദാസ് എളയാവൂര് സംസാരിച്ചു. റീജിയണല് വെല്ഫെയര് ഓഫീസര് വി.പി.സുനില് കുമാറിന്റെ അധ്യക്ഷതയില് ഉത്തര മേഖലാ ജയില് ഡിഐജി ശിവദാസ് കെ. തൈപ്പറമ്പില് വായനാവാരാചണം ഉദ്ഘാടനം നിര്വ്വഹിച്ചു. തുടര്ന്ന് ജെഎസ്എസ് ഡയറക്ടര് രാധാമോഹന് പി.കെ.വായനാ ദിന പ്രതിജ്ഞചൊല്ലിക്കൊടുത്തു. ജെഎസ്എസ് ചെയര്മാന് രഞ്ജിത്ത് സര്ക്കാര് ക്വിസ് മത്സര വിജയികള്ക്ക് സമ്മാനം നല്കി. മത്സരത്തില് ഷറഫുദ്ദീന്, അനീഷ്, വിഷ്ണു എന്നിവര് ഒന്നും രണ്ടും മൂന്നും സ്ഥാനങ്ങള് പങ്കിട്ടു. തുടര്ന്ന് വനിതാ പ്രിസണ് ആന്റ് കറപ്ഷന് ഹോം സൂപ്രണ്ട് ശകുന്തള, സ്പെഷല് ബ്രാഞ്ച് ജയില് സൂപ്രണ്ട് ശ്രീകുമാര് എന്നിവര് ആശംസാ പ്രസംഗം നടത്തി. സെന്ട്രല് പ്രിസണ് ആന്റ് കറപ്ഷന് ഹോം വെല്ഫെയര് ഓഫീസര് കെ.വി.സുമേഷ് സ്വാഗതവും ജെഎസ്എസ് പ്രോഗ്രാം ഓഫീസര് പി.രാജാമണി നന്ദിയും രേഖപ്പെടുത്തി.
പ്രതികരിക്കാൻ ഇവിടെ എഴുതുക: