തെങ്ങുകള്‍ക്ക് ഇന്‍ഷുറന്‍സ് പരിരക്ഷ

ആലപ്പുഴ: നാളികേര വികസന ബോര്‍ഡിന്റെ കേരവൃക്ഷ ഇന്‍ഷൂറന്‍സ് പദ്ധതിയിലൂടെ പ്രകൃതിക്ഷോഭവും രോഗകീടാണു ആക്രമണങ്ങള്‍ മൂലവുമുള്ള നഷ്ടങ്ങളില്‍ നിന്നും തെങ്ങുകളെ ഇന്‍ഷ്വര്‍ ചെയ്ത് കേരകര്‍ഷകരെ സഹായിക്കുന്നു. അടുത്തടുത്ത പുരയിടത്തില്‍ കായ്ഫലമുള്ളതും 4 മുതല്‍ 60 വര്‍ഷം വരെ പ്രായപരിധിയില്‍ ഉള്‍പ്പെട്ടതുമായ കുറഞ്ഞത് 5 തെങ്ങുകള്‍ സ്വന്തമായുള്ള കര്‍ഷകര്‍ക്കാണ് ഈ ഇന്‍ഷൂറന്‍സ് പദ്ധതി പ്രകാരം പരിരക്ഷ ലഭിക്കുക. 4 മുതല്‍ 15 വര്‍ഷം വരെയുള്ള തെങ്ങുകള്‍ക്ക് 9 രൂപയാണ് വാര്‍ഷിക പ്രീമിയം ഇതില്‍ 4.50 രൂപ നാളികേര വികസന ബോര്‍ഡും, 2.25 രൂപ സംസ്ഥാന സര്‍ക്കാരും, 2.25 കേര കര്‍ഷകനുമാണ് നല്‍കേണ്ടത്. 16 മുതല്‍ 60 വര്‍ഷം വരെയുള്ള തെങ്ങുകള്‍ക്ക് 14 രൂപയാണ് പ്രീമിയം ഇതില്‍ 7 രൂപ നാളികേര വികസന ബോര്‍ഡും, 3.50 രൂപ സംസ്ഥാ സര്‍ക്കാരും, 3.50 കേര കര്‍ഷകനുമാണ് നല്‍കേണ്ടത്. 4 മുതല്‍ 15 വര്‍ഷം വരെയുള്ള തെങ്ങുകള്‍ക്ക് 900 രൂപയുടെയും 16 മുതല്‍ 60 വര്‍ഷം വരെയുള്ള തെങ്ങുകള്‍ക്ക് 1,750 രൂപയുടെയും ഇന്‍ഷൂറന്‍സ് പരിരക്ഷയാണ് നല്‍കുന്നത്. അഗ്രികള്‍ച്ചര്‍ ഇന്‍ഷുറന്‍സ് കമ്പനി ഓഫ് ഇന്ത്യ മുഖാന്തിരമാണ് ബോര്‍ഡ് ഈ പദ്ധതി നടപ്പിലാക്കുന്നത്. കൂടുതല്‍ വിവരങ്ങള്‍ക്ക് ംംം.രീരീിൗയേീമൃറ.ഴീ്.ശി വെബ്ബ് സൈറ്റ് സന്ദര്‍ശിക്കുക.