അയ്മനം: ഡിജിറ്റല് ഇന്ത്യാ പദ്ധതിയില്പെടുത്തിയ കേരളത്തിലെ ആദ്യഗ്രാമമായ അയ്മനം ഗ്രാമപഞ്ചായത്തിലെ 15-ാം വാര്ഡിന്റെ പ്രവര്ത്തനോദ്ഘാടനം ബിജെപി ജില്ലാ പ്രസിഡന്റ് എന്.ഹരി നിര്വ്വഹിച്ചു. മോദി സര്ക്കാരിന്റെ ജനോപകാര പദ്ധതികളിലൊന്നായ ഇത് അയ്മനം ഗ്രാമത്തിന്റെ മുഖച്ഛായ മാറ്റാന് പര്യാപ്തമാകുമെന്ന് അദ്ദേഹം പറഞ്ഞു. ഓഫീസുകളെ ആശ്രയിക്കാതെ തന്നെ പൊതുജനങ്ങള്ക്ക് സ്വന്തമായി രേഖകള് കരസ്ഥമാക്കുവാന് ഇതിലൂടെ കഴിയും. ഇതോടൊപ്പംതന്നെ സമ്പൂര്ണ്ണ നിയമസാക്ഷരതാ പ്രവര്ത്തനങ്ങള്ക്കും തുടക്കം കുറിച്ചു. 15-ാം വാര്ഡ് മെമ്പര് ദേവകി അന്തര്ജ്ജനം അദ്ധ്യക്ഷത വഹിച്ചു. പഞ്ചായത്ത് പ്രസിഡന്റ് എ. കെ.ആലിച്ചന്, ബിജെപി പഞ്ചായത്ത് കമ്മിറ്റി പ്രസിഡന്റ് ഓമനക്കുട്ടന്, വാര്ഡ് മെമ്പര്മാരായ എംഎസ്.ജയകുമാര്, ബിന്ദു ഹരികുമാര്, രാജി, സുജിത സനിമോന്, സോമശേഖരന് നായര്, അഭിജിത്ത് തുടങ്ങിയവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: