കണ്ണൂര്: കണ്ണൂര് മാപ്പിളബേ ഫിഷിങ്ങ് ഹാര്ബറിന്റെ ശോചനീയാവസ്ഥ കാരണം മത്സ്യബന്ധന യാനങ്ങള് തകരുകയും മത്സ്യത്തൊഴിലാളികള്ക്ക് പരിക്കേല്ക്കുകയും ചെയ്യുന്ന സ്ഥിതിയാണുള്ളതെന്നും ഇതിന് അടിയന്തിര പരിഹാരം കാണണമെന്നും തയ്യില് ശ്രീ കൂര്മ്പ ധര്മ്മപരിപാലന അരയസമാജം വാര്ഷിക ജനറല്ബോഡിയോഗം ആവശ്യപ്പെട്ടു. അശാസ്ത്രീയമായ ഹാര്ബര് നിര്മ്മാണത്തിന്റെ ദുരന്തം തയ്യില് മൈതാനപ്പള്ളി പ്രദേശത്തെ ജനങ്ങളാണ് അനുഭവിക്കുന്നതെന്നും ഇതിന് ശാശ്വത പരിഹാരമായി മൈതാനപ്പള്ളി ഭാഗത്ത് പുലിമുട്ട് നിര്മ്മിക്കണമെന്നും യോഗം ആവശ്യപ്പെട്ടു. കെ.രാജീവന് അധ്യക്ഷത വഹിച്ചു. പുതിയ ഭാരവാഹികളായി കെ.രാജീവന്-പ്രസിഡണ്ട്, കെ.സുനില് കുമാര്-വൈസ് പ്രസിഡണ്ട്, പി.വി.സുദര്ശന്-സെക്രട്ടറി, പി.വി.പ്രദീപന്-ജോയന്റ് സെക്രട്ടറി, പി.രമേശന്-ട്രഷറര് എന്നിവരെ തെരഞ്ഞെടുത്തു.
അന്തര് സംസ്ഥാന മോഷ്ടാക്കള് അറസ്റ്റില്
ശ്രീകണ്ഠാപുരം: അന്തര്സംസ്ഥാന മോഷണസംഘത്തിലെ കണ്ണികളെന്ന് കരുതുന്ന രണ്ടുപേര് ശ്രീകണ്ഠാപുരത്ത് അറസ്റ്റിലായി. തമിഴ്നാട് സ്വദേശികളായ അബ്ദുള് സലീം(29), ഗണപതി(28)എന്നിവരെയാണ് അറസ്റ്റ് ചെയ്തത്. കാഞ്ഞിലേരിയിലെ കെ.കെ.സുരേഷ് കുമാറിന്റെ ഭാര്യയുടെ മൊബൈല് ഫോണ് കവര്ന്ന കേസിലാണ് അറസ്റ്റ്.
ഉളിക്കല് ഗവ. ഹയര്സെക്കന്ഡറി സ്കൂളില് വിജയോത്സവം 20ന്
ഇരിട്ടി: കഴിഞ്ഞ എസ്എസ്എല്സി, ഹയര്സെക്കന്ഡറി പരീക്ഷകളില് ചരിത്ര വിജയം നേടിയ ഉളിക്കല് ഗവ.ഹയര്സെക്കന്ഡറി സ്കൂളില് 20ന് വിജയോത്സവം സംഘടിപ്പിക്കുന്നു. ഇതിന്റെ ഭാഗമായി ഉന്നത വിജയം നേടിയ വിദ്യാര്ഥികള്ക്കുള്ള അനുമോദനവും പിടിഎ, വെല്ഫെയര് കമ്മിറ്റികള് ഏര്പ്പെടുത്തിയ ക്യാഷ് അവാര്ഡും വിവിധ എന്ഡോവ്മെന്റുകളുടെ വിതരണവും നടക്കും. കുട്ടികളുടെ ചിത്രത്തിനുള്ള സംസ്ഥാന അവാര്ഡു നേടിയ മലേറ്റം”സിനിമയുടെ സംവിധായകനും ഈ സ്കൂളിലെ പൂര്വ വിദ്യാര്ഥിയുമായിരുന്ന തോമസ് ദേവസ്യയെ ചടങ്ങില് ആദരിക്കും. സൗജന്യ സ്കൂള്യൂണിഫോമിന്റെ വിതരണവും, വായനാ വാരാചരണത്തിന്റെ ഉദ്ഘാടനവും വേദിയില് നടക്കും. സ്കൂള് ഓഡിറ്റോറിയത്തില് നടക്കുന്ന ആഘോഷപരിപാടിയുടെ ഉദ്ഘാടനം കണ്ണൂര് ജില്ലാ പഞ്ചായത്ത് പ്രസിഡന്റ് കെ.വി.സുമേഷ് നിര്വഹിക്കും. ഉളിക്കല് പഞ്ചായത്ത് പ്രസിഡന്റ് ഷേര്ളി അലക്സാണ്ടര് അദ്ധ്യക്ഷത വഹിക്കും.. ജില്ലാ പഞ്ചായത്ത് മെമ്പര് തോമസ് വര്ഗ്ഗീസ് എന്ഡോവ്മെന്റ് വിതരണം നടത്തും. ഇരിക്കൂര് ബ്ലോക്ക് പഞ്ചായത്ത് മെമ്പര് എം.ജി.ഷണ്മുഖന് യൂണിഫോം വിതരണവും എ.രവീന്ദ്രന് മാസ്റ്റര് വായനാ വാരാചരണവും ഉദ്ഘാടനം ചെയ്യും. പത്രസമ്മേളനത്തില് പ്രിന്സിപ്പാള് പി.ടി.ലാലി, പ്രധാനാദ്ധ്യാപകന് എം.കെ.രമേഷ് കുമാര്, പിടിഎ പ്രസിഡന്റ് പി.കെ.ശശി, കെ.ജെ.ജോസ്, കെ.വേണു തുടങ്ങിയവര് പ്രസംഗിച്ചു.
