ചേര്ത്തല: പട്ടണക്കാട് സര്വീസ് സഹകരണ ബാങ്കില് 27.94 കോടി രൂപയുടെ വെട്ടിപ്പ് നടന്നതായി അന്വേഷണസംഘം കണ്ടെത്തി. മുന്സെക്രട്ടറിയുടെ നേതൃത്വത്തില് ഏതാനും ജീവനക്കാര് വ്യജരേഖ ചമച്ച് വെട്ടിപ്പ് നടത്തിയതിന് ഒത്താശചെയ്ത ഭരണസമിതിക്കും ഉത്തരവാദിത്വമുണ്ടെന്നാണ്് 290 പേജുള്ള അന്വേഷണ റിപ്പോര്ട്ടില് പരാമര്ശിക്കുന്നത്. കോണ്ഗ്രസിലെ പ്രാദേശിക നേതാക്കളുള്പ്പെട്ടതാണ് ഭരണ സമിതി. തട്ടിപ്പില് സഹകരണ നിയമത്തിലെ 65 ാം വകുപ്പനുസരിച്ചുള്ള അന്വേഷണത്തിലാണ് വ്യാപക തട്ടിപ്പ് കെണ്ടത്തിയത്. വിവിധ ഇനങ്ങളിലായി 26,75,15,882.94 രൂപയുടെ പണാപഹരണം നടത്തിയതായാണ് റിപ്പോര്ട്ടലുള്ളത്. ബാങ്കിന് 1,18,66,925 രൂപയുടെ സാമ്പത്തിക നഷ്ടം സംഭവിച്ചതായും റിപ്പോര്ട്ടിലുണ്ട്. ബാങ്ക് നടപ്പാക്കിയ ശതാബ്ദി ഓവര് ഡ്രാഫ്റ്റ് പദ്ധതിയില് പലിശയടക്കം 11.16 കോടിയും സ്ഥിരനിക്ഷേപ വായ്പയില് 3.59 കോടിയും സ്വാശ്രയസംഘ വായ്പയില് 1.80 കോടിയും ബാങ്കിന്റെ തനതുവായ്പയില് 1.18 കോടിയും കിസാന് ക്രെഡിറ്റ് വായ്പയില് 33.26 ലക്ഷവും പ്രതിമാസ നിക്ഷേപ വായ്പയില് 52.35 ലക്ഷവും പ്രതിമാസ നിക്ഷേപത്തില് 26.72 ലക്ഷവും ചെക്ക് ഡിസ്കൗണ്ടില് 6.30 കോടിയും അപഹരിക്കുകയും സേവിങ്സ് ബാങ്ക് നിക്ഷേപത്തില് 1.10 കോടിയുടെ വെട്ടിപ്പ് നടത്തിയതായും കണ്ടെത്തി. വായ്പകളില് നിയമാനുസൃതമല്ലാതെ പലിശയിളവ് നല്കിയതില് 33.62 ലക്ഷത്തിന്റെയും സ്ഥിരനിക്ഷേപത്തിന് സര്ക്കുലറിന് വിരുദ്ധമായി അധിക പലിശ നല്കിയതില് 47.16 ലക്ഷത്തിന്റെയും ചെക്ക് ഡിസ്കൗണ്ടിന് മതിയായ കമ്മീഷന് വാങ്ങാത്തതില് 37.89 ലക്ഷത്തിന്റെയും നഷ്ടം നേരിട്ടതായും റിപ്പോര്ട്ടിലുണ്ട്.
മുന്സെക്രട്ടറി സമാന്തര പണമിടപാട് നടത്തിയതിന് വ്യക്തമായ തെളിവ് അന്വേഷണത്തില് ലഭിച്ചു. ആലപ്പുഴ സ്വദേശിയായ ബിസിനസുകാരന് 80 ലക്ഷം രൂപ പലിശക്ക് നല്കി. ഇതിന് ഈടായി വാങ്ങിയ വസ്തുവിന്റെ ആധാരം ഉപയോഗിച്ച് ബാങ്കിലെ 24 അംഗങ്ങളുടെ പേരില് 1.16 കോടി വായ്പയെടുത്തു. അംഗങ്ങളെ കബളിപ്പിച്ചാണ് അവരുടെ പേരില് വായ്പയെടുത്തത്. വായപയുടെ പലിശ പെരുകി 2.47 കോടിയായി. ഇതിലും ഭരണസമിതിയുടെ ഒത്താശയുണ്ടെന്നാണ് റിപ്പോര്ട്ട് വ്യക്തമാക്കുന്നത്.
