തോട്ടപ്പള്ളി: ജി.സുധാകരന് വോട്ടു ചെയ്തില്ലെന്ന് ആരോപിച്ച് പണിക്കൂലി ഇനത്തില് നല്കിയ തുക തിരിച്ചു ചോദിച്ച് സിഐടിയു നേതാക്കള്. തോട്ടപ്പള്ളിയിലെ കരിങ്കല് തൊഴിലാളികളോടാണ് തോട്ടപ്പള്ളിയിലെ പ്രാദേശിക സിഐടിയു നേതാക്കള് തിരഞ്ഞെടുപ്പിനു മുന്പ് നല്കിയ തുക ജി. സുധാകരന് വോട്ടു ചെയ്തില്ല എന്ന കാരണം പറഞ്ഞ് തിരികെ ആവശ്യപ്പെട്ടത്.
അമ്പലപ്പുഴ ഭാഗത്തെ കടല്ഭിത്തിയുമായി ബന്ധപ്പെട്ട് പ്രവര്ത്തിക്കുന്ന ഇരുപത്തിയാറോളം തൊഴിലാളികളില് രണ്ടു പേരോടാണ് തുക അവശ്യപ്പെട്ടത്. നിരവധി വര്ഷമായി ഇവര് കരിങ്കല് മേഖലയിലാണ് പണിയെടുക്കുന്നത്. എന്നാല് ഈ മേഖലയില് ജെസി ബി ഉപയോഗിച്ച് തുടങ്ങിയതോടെ ഇവര്ക്ക് തൊഴില് ഇല്ലാതായി.
ഇതെത്തുടര്ന്ന് നിശ്ചിത തുക കരാറുകാരില് നിന്ന് വാങ്ങി ഇവര്ക്ക് സഖാക്കള് നല്കിയിരുന്നു. തൊഴിലാളികളുടെ പേരില് വാങ്ങുന്ന തുകയില് പകുതിയിലേറെ യൂണിയന് ഫണ്ടിലേയ്ക്കു എടുത്ത ശേഷമാണ് നല്കിയിരുന്നത്. ഇക്കഴിഞ്ഞ നിയമസഭാ തിരഞ്ഞെടുപ്പു പ്രചരണ സമയം തൊഴിലാളികള്ക്ക് സിഐറ്റിയു നേതാക്കള് രണ്ടായിരം രൂപാ വീതം നല്കിയിരുന്നു.
ഇതില് കൂടുതല് കിട്ടണമെന്ന് ആവശ്യപ്പെട്ട് ഒരു വിഭാഗം തൊഴിലാളികള് രംഗത്ത് വരികയും ഇവരില് ചിലര് അഴിമതിയില് പ്രതിഷേധിച്ച് ബിജെപിയില് ചേര്ന്നു. എന്നാല് പ്രദേശത്ത് സിപിഎമ്മിന് വോട്ടു കുറഞ്ഞതോടെയാണ് ബിജെപിയില് ചേര്ന്ന പ്രവര്ത്തകരെ സഖാക്കള് ഭീഷണിപ്പെടുത്തുന്നത്.
