ഇരിക്കൂര്: ശുദ്ധവായു ശ്വസിക്കണമെങ്കില് ഇനി കാശുകൊടുത്ത് ഓക്സിജന് പാര്ലറിലേക്ക് കടന്നുചെല്ലേണ്ടിവരുന്ന അവസ്ഥ അതിവിദൂരത്തല്ലെന്ന് പരിസ്ഥിതി പ്രവര്ത്തകന് ഡോ.എം.സുരേന്ദ്രനാഥ് പറഞ്ഞു. പ്രകൃതിക്കേറ്റ ആഘാതമാണ് ഇതിന് കാരണമെന്ന് നാം ഓര്ക്കേണ്ടതുണ്ടെന്നും അദ്ദേഹം കൂട്ടിച്ചേര്ത്തു. സിബ്ഗ ഇന്സ്റ്റിറ്റിയൂട്ട് ഓഫ് അഡ്വാന്സ്ഡ് സ്റ്റഡീസ് എന്എസ്എസ് യൂണിറ്റിന്റെ പ്രവര്ത്തനങ്ങളുടെ ഭാഗമായി സംഘടിപ്പിച്ച പരിസ്ഥിതിയും സംരക്ഷണവും എന്ന വിഷയത്തെ ആസ്പദമാക്കിയുള്ള സെമിനാര് ഉദ്ഘാടനം ചെയ്യുകയായിരുന്നു അദ്ദേഹം. വൃക്ഷത്തൈ നടല് ഉദ്ഘാടകര്മ്മവും അദ്ദേഹം നിര്വഹിച്ചു. സിബ്ഗ കോളേജ് മാനേജര് എം.വി.നവാസ്, പടിയൂര് പഞ്ചായത്ത് വൈസ് പ്രസിഡണ്ട് മോഹനന്, എന്എസ്എസ് പ്രോഗ്രാം ഓഫീസര് എ.പി.പ്രസീത, സിബ്ഗ വുമണ് സെല് കണ്വീനര് കെ.വി.രമ്യ, കെ.പി.പ്രതീഷ എന്നിവര് സംസാരിച്ചു. ധന്യ അലക്സാണ്ടര് സ്വാഗതവും ജാസിര് തങ്ങള് നന്ദിയും പറഞ്ഞു.
ശുദ്ധവായുവിനുവേണ്ടി ഓക്സിജന് പാര്ലറിലേക്ക് കടന്നുചെല്ലേണ്ട കാലം അതിവിദൂരമല്ല: ഡോ.സുരേന്ദ്രനാഥ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.