മതം:- ഹിന്ദുവിന്
പാശ്ചാത്യരെ സംബന്ധിച്ചിടത്തോളം മതം എന്നത് ഒരു പള്ളിയിലുള്ള വിശ്വാസവും പള്ളി അനുശാസിക്കുന്ന ക്രിയകളുടെ അനുഷ്ഠാനവുമാണ്. മതംകൊണ്ട് ഹിന്ദുക്കള് അര്ത്ഥമാക്കുന്നത് അവന്റെ ധര്മ്മാണ്. ഹിന്ദുമതം ഒരു ജീവിതരീതിയാണ്. പ്രായോഗിക തത്ത്വശാസ്ത്രമാണ് ഹിന്ദുവിന്റെ മതം. ”ധര്മ്മം” എന്താണെന്നറിഞ്ഞാല് ഹിന്ദുമതം എന്താണെന്നറിയാം.
എന്താണ് ധര്മ്മം
ഭാരതീയ സംസ്കാരത്തില് ധര്മത്തിന് വിശാലമായ അര്ത്ഥമാണ്. ധരിച്ച് നിര്ത്തുന്നതെന്തോ അതാണ് അതിന്റെ ധര്മ്മം. ഉദാ: അഗ്നിയുടെ ധര്മ്മം ചൂടും വെളിച്ചവുമാണ്. അതില്ലെങ്കില് അഗ്നിയില്ല. പ്രപഞ്ചത്തില് എല്ലാ വസ്തുക്കള്ക്കും അതതിന്റെ ധര്മ്മമുണ്ട്. അല്ലാതെ മനുഷ്യര്ക്ക് മാത്രമുള്ളതല്ല ധര്മ്മം. ഒരു വസ്തു അതിന്റെ അസ്തിത്വത്തിന് മറ്റൊന്നന്നിനെ ആശ്രയിക്കേണ്ടിയിരിക്കുന്നു. ഉദാ: തീ ദഹിപ്പിക്കുന്നു. ദഹിപ്പിക്കുവാനുള്ള ശക്തി അതിന്റെ ധര്മ്മമാകുന്നു. അഗ്നിയുടെ അസ്തിത്വത്തിന് ദാഹക ശക്തിയെ ആശ്രയിക്കുന്നു.
ഇതരജീവികളില്നിന്ന് വിഭിന്നമാണെങ്കിലും മനുഷ്യനും ഒരടിസ്ഥാന സ്വഭാവമുണ്ട്. അവന്റെ അസ്തിത്വത്തിന് അടിസ്ഥാനമായുള്ള സ്വഭാവം തന്നെയാണ് അവന്റെ ‘ധര്മ്മ’വും. അത് അവന്റെ ദേവനാകാനുള്ള ശക്തിയാണെന്ന് ഭാരതീയ സംസ്കാരം ഉറപ്പിച്ച് പറയുന്നു. ഇതെങ്ങനെ സാധിക്കും? മനുഷ്യന്റെ ഉള്ളില് ദേവത്വം നേരത്തെ തന്നെയുണ്ട്. അതായത് സൃഷ്ടിക്കുമുമ്പ് ഈശ്വരന് മാത്രമേയുണ്ടായിരുന്നുള്ളൂ. എങ്കില് സര്വപ്രപഞ്ചങ്ങളും ജീവികളും ഈശ്വരന്റെ തന്നെ പ്രകംശനങ്ങളാണ്. അങ്ങനെ മനുഷ്യനിലും ഈശ്വരത്വമുണ്ട്. അതിനെ ആശ്രയിക്കുന്നത് അവന്റെ ധര്മ്മവും.
ഈ ധര്മത്തെക്കുറിച്ച് വിവരിക്കുന്ന പുണ്യഗ്രന്ഥങ്ങളാണ് ശാസ്ത്രങ്ങള്. എന്താണ് ഈശ്വരന്? മനുഷ്യന് ഈശ്വരനുമായുള്ള ബന്ധങ്ങള്? എന്തിന് ഈശ്വരനെ പ്രാപിക്കണം?
അതിനുള്ള മാര്ഗങ്ങള് ഏതെല്ലാം? നാം ഇങ്ങനെ പെരുമാറണം? എന്തൊക്കെ കര്മ്മങ്ങള് അനുഷ്ഠിക്കണം? എന്തൊക്കെ ചെയ്യാന്പാടില്ല തുടങ്ങിയവ ശാസ്ത്രങ്ങള് നമ്മെ പഠിപ്പിക്കുന്നു. ഇങ്ങനെയുള്ള ശാസ്ത്രങ്ങളുടെ അനുഷ്ഠാനത്തിലുള്ള ജീവിതരീതിയാണ് ഹിന്ദുമതം.
(തുടരും)
പ്രതികരിക്കാൻ ഇവിടെ എഴുതുക: