കണ്ണൂര്‍: ജില്ലയില്‍ നിരോധിത ലഹരി ഉല്‍പ്പന്നങ്ങളുടെ വില്‍പ്പന വ്യാപകം. ജില്ലയില്‍ വിറ്റഴിക്കാനായി അന്തര്‍സംസ്ഥാന പാതകള്‍ വഴി ദിനംപ്രതി ജില്ലയിലെത്തുന്നത് ആയിരക്കണക്കിന് പാക്കറ്റ് പാന്‍മസാല ഉള്‍പ്പന്നങ്ങള്‍. ഇത്തരത്തില്‍ അനധികൃതമായി മറ്റ് സംസ്ഥാനങ്ങളില്‍ നിന്നും വാഹനങ്ങളില്‍ ജില്ലയിലെത്തിക്കുന്നതില്‍ നാമമാത്രമായ പാന്‍ ഉല്‍പ്പന്നങ്ങള്‍ മാത്രമാണ് പിടികൂടാന്‍ സാധിക്കുന്നത്. ഇരുചക്ര വാഹനങ്ങളില്‍ മുതല്‍ സ്വകാര്യ ടാക്‌സി വാഹനങ്ങള്‍, കെഎസ്ആര്‍ടിസി ബസ്സുകള്‍ എന്നിവയിലാണ് ദിനംപ്രതി രഹസ്യമായും പരസ്യമായും പാന്‍ ഉല്‍പ്പന്നങ്ങള്‍ ജില്ലയിലേക്ക് കടത്തുന്നത്. കുറഞ്ഞ വിലക്ക് അന്യസംസ്ഥാനങ്ങളില്‍ നിന്നും വാങ്ങി മൂന്നിരട്ടി വില വര്‍ദ്ധിപ്പിച്ചാണ് ജില്ലയില്‍ വില്‍പ്പന നടത്തുന്നത്. ജില്ലയിലെ ഒട്ടുമിക്ക ബസ് സ്റ്റാന്റുകളും കേന്ദ്രീകരിച്ച് സ്ഥിരമായി പാന്‍ ഉല്‍പ്പന്നങ്ങള്‍ ലഭ്യമാക്കുന്ന ചെറുകിട കച്ചവടസ്ഥാപനങ്ങള്‍ പ്രവര്‍ത്തിക്കുന്നുണ്ട്. സ്വകാര്യ ബസ് ജീവനക്കാരുള്‍പ്പെടെയുളള തൊഴിലാളികള്‍ വ്യാപകമായി പാന്‍ ഉല്‍പ്പന്നങ്ങള്‍ ഉപയോഗിക്കുന്നത്. അന്യ സംസ്ഥാന തൊഴിലാളികള്‍ തിങ്ങിപ്പാര്‍ക്കുന്ന മേഖലകളിലും പാന്‍ ഉല്‍പ്പന്നങ്ങള്‍ വന്‍തോതില്‍ വിറ്റഴിക്കപ്പെടുന്നുണ്ട്. നിരോധിക്കപ്പെട്ട ലഹരി ഉല്‍പ്പന്നങ്ങള്‍ പരസ്യമായി ഉപയോഗിക്കുന്നത് പൊതുസ്ഥലങ്ങളില്‍ ജനങ്ങള്‍ക്ക് ഭീഷണിയായി മാറിയിട്ടുണ്ട്.
കഴിഞ്ഞ ദിവസം മാത്രം മുപ്പതിനായിരത്തോളം പാക്കറ്റ് ലഹരിവസ്തുക്കളാണ് ജില്ലയുടെ വിവിധ ഭാഗങ്ങളില്‍ നിന്നും പോലീസ് പിടികൂടിയത്. കര്‍ണ്ണാടകയില്‍ നിന്നും കടത്തുന്നതിനിടയില്‍ കൂട്ടുപുഴയില്‍ വെച്ചും വളപട്ടണത്തുവെച്ചുമാണ് ആയിരക്കണക്കിന് പാക്കറ്റ് പാന്‍മസാല ഉല്‍പ്പന്നങ്ങള്‍ പിടികൂടിയത്. മറ്റ് സാധനങ്ങള്‍ കൊണ്ടുവരുന്നതായി കാണിച്ച് വാഹനങ്ങളില്‍ ഒളിപ്പിച്ചുവെച്ചാണ് പലപ്പോഴും പാന്‍ ഉല്‍പ്പന്നങ്ങള്‍ സംസ്ഥാന അതിര്‍ത്തി കടത്തി ക്കൊണ്ടുരുന്നത്. സ്‌ക്കൂളുകളും കോളേജുകളും തുറന്നതോടെ കലാലയങ്ങള്‍ക്ക് സമീപമുളള കടകളെ ലക്ഷ്യവെച്ചു കൊണ്ടു കൂടിയാണ് കഴിഞ്ഞ ദിവസങ്ങളില്‍ ജില്ലയുടെ വിവിധ ഭാഗങ്ങളില്‍ പിടികൂടിയ ലഹരി ഉല്‍പ്പന്നങ്ങള്‍ ജില്ലയിലെത്തിച്ചതെന്നാണ് സൂചന. ഇക്കാര്യം കഴിഞ്ഞ ദിവസം ലഹരി ഉല്‍പ്പന്നങ്ങള്‍ സഹിതം പിടികൂടിയ പ്രതികള്‍ പോലീസിനോട് സമ്മതിച്ചതായും അറിയുന്നു. ജില്ലാ പോലീസ് സൂപ്രണ്ടിന്റെ നേതൃത്വത്തില്‍ ഏതാനും ദിവസം മുമ്പ് ജില്ലയില്‍ ലഹരി വിരുദ്ധ സ്‌ക്വാഡ് പ്രവര്‍ത്തനം ആരംഭിച്ചിട്ടുണ്ടെങ്കിലും വേണ്ടത്ര സജീവമാകാത്തത് ലഹരി വില്‍പ്പനക്കാര്‍ക്കും കടത്തുകാര്‍ക്കും സഹായകമാവുകയാണ്. പല മേഖലയിലും പോലീസിന്റെ കണ്ണിനു താഴെ ലഹരി ഉല്‍പ്പന്നങ്ങള്‍ വില്‍ക്കുന്ന കേന്ദ്രങ്ങള്‍ പ്രവര്‍ത്തിക്കുന്നുണ്ടെങ്കിലും പരാതി ലഭിക്കാത്തതിനാലും മറ്റും പോലീസും എക്‌സൈസ് വകുപ്പും നടപടി എടുക്കാന്‍ വിമുഖത കാട്ടുകയാണ്.
ഇഎസ്‌ഐസി കമ്മറ്റി പുനസംഘടന : നോമിനേഷന്‍ ക്ഷണിച്ചു
കണ്ണൂര്‍: ഇഎസ്‌ഐ റെഗുലേഷന്‍ 10 എ പ്രകാരം പുനസംഘടിപ്പിക്കുന്ന, രൂപീകരിക്കുന്ന ലോക്കല്‍ കമ്മിറ്റിയിലേക്ക് തൊഴിലുടമ/തൊഴിലാളി പ്രതിനിധികളുടെ നോമിനേഷനുകള്‍ ക്ഷണിച്ചു. അഡൈ്വസറി കമ്മിറ്റിയിലെ തൊഴിലാളി/തൊഴിലുടമ പ്രാതിനിധ്യം 4 പേര്‍ വീതമായിരിക്കും. അംഗീകൃത ഓര്‍ഗനൈസേഷനുകള്‍ സാക്ഷ്യപ്പെടുത്തിയ നോമിനേഷനുകള്‍ റീജിണല്‍ ബോര്‍ഡിന്റെ അംഗീകാരത്തിനായി 17 ന് മുമ്പായി ഇഎസ്‌ഐ കോര്‍പ്പറേഷന്‍ കോഴിക്കോട് സബ് റീജിണല്‍ ഓഫീസില്‍ സമര്‍പ്പിക്കേണ്ടതാണെന്ന് ഇഎസ്‌ഐ ഡെപ്യൂട്ടി ഡയരക്ടര്‍ ഇന്‍ചാര്‍ജ്ജ് അറിയിച്ചു.
കേരള സ്‌റ്റേറ്റ് സര്‍വീസ് പെന്‍ഷനേഴ്‌സ് യൂണിയന്‍
