വിജയയാത്രക്ക് കോഴിക്കോട് സ്നേഹാഞ്ജലി ഓഡിറ്റോറിയത്തില് നല്കിയ സ്വീകരണത്തില് നിയുക്ത എംഎല്എ ഒ. രാജഗോപാല് സംസാരിക്കുന്നു
കോഴിക്കോട്: വിജയയാത്രയുമായി എത്തിയ ഒ. രാജഗോപാലിന് കോഴിക്കോടിന്റെ സ്നേഹോഷ്മള സ്വീകരണം. ഒ. രാജഗോപാലിന്റെ നിയമസഭാ പ്രവേശം ചരിത്രസംഭവമാക്കുന്നതിന്റെ ഭാഗമായുള്ള വിജയയാത്ര ഇന്നലെ ഉച്ചയ്ക്ക് രണ്ടേമുപ്പതോടെയാണ് കോഴിക്കോട് നഗരത്തില് പ്രവേശിച്ചത്. ബിജെപി ജില്ലാ കമ്മിറ്റിയുടെ ആഭിമുഖ്യത്തില് സ്വീകരണം ഒരുക്കിയ കല്ലായ് റോഡിലെ സ്നേഹാഞ്ജലി ഓഡിറ്റോറിയത്തിലേക്ക് അദ്ദേഹം എത്തുമ്പോഴേക്കും ഹാള് നിറഞ്ഞു കവിഞ്ഞിരുന്നു. അറിയിച്ചതില് നിന്നും വൈകിയാണ് എത്തിയതെങ്കിലും ജനം അദ്ദേഹത്തെ ഒരു നോക്കുകാണാന് കാത്തിരുന്നു. രാജേട്ടന്റെ സമപ്രായക്കാര് മുതല് സ്കൂള് വിദ്യാര്ത്ഥികള് വരെ അദ്ദേഹത്തെ സ്വീകരിക്കാന് എത്തിയിരുന്നു.
ഒ. രാജഗോപാല് സഞ്ചരിച്ച വാഹനം സ്നേഹാഞ്ജലി ഓഡിറ്റോറിയത്തിന് മുന്നില് എത്തിയതോടെ ആവേശഭരിതരായ പ്രവര്ത്തകര് ഉച്ചത്തില് മുദ്രാവാക്യം വിളിച്ചു, തുടര്ന്ന് അദ്ദേഹത്തെ സ്വീകരണ വേദിയിലേക്ക് ആനയിച്ചു.
ബിജെപി ജില്ലാപ്രസിഡന്റ് ടി.പി. ജയചന്ദ്രന് മാസ്റ്റര്, ജില്ലാ ജനറല്സെക്രട്ടറി പി. ജിജേന്ദ്രന്, ജില്ലാട്രഷറര് ടി.വി. ഉണ്ണികൃഷ്ണന് എന്നിവര് ചേര്ന്ന് രാജഗോപാലിനെ പുഷ്പഹാരമണിയിച്ചു. ബിജെപി മണ്ഡലം ഭാരവാഹികള്, വിവിധ മോര്ച്ച ഭാരവാഹികള്, മറ്റ് സംഘടനാ ഭാരവാഹികള് തുടങ്ങിയവര് രാജഗോപാലിനെ ഷാള് അണിയിച്ചു.
തുടര്ന്ന് ഒ. രാജഗോപാല് സ്വീകരണത്തിന് മറുപടി പറഞ്ഞു. ഒറ്റക്കെട്ടായി പ്രവര്ത്തിച്ചാല് അതിവേഗം കേരളത്തിന്റെ രാഷ്ട്രീയ ഭൂപടം മാറ്റിവരയ്ക്കാന് സാധിക്കുമെന്ന് ഒ. രാജഗോപാല് മറുപടി പ്രസംഗത്തില് പറഞ്ഞു.
ചടങ്ങില് ബിജെപി ജില്ലാ പ്രസിഡന്റ് ടി.പി. ജയചന്ദ്രന് മാസ്റ്റര് അധ്യക്ഷത വഹിച്ചു. മുതിര്ന്ന നേതാവ് അഹല്യാശങ്കര്, ബിജെപി മുന് സംസ്ഥാന പ്രസിഡന്റുമാരായ പി.കെ. കൃഷ്ണദാസ്, അഡ്വ. പി.എസ്. ശ്രീധരന്പിള്ള, സംസ്ഥാന വൈസ്പ്രസിഡന്റ് കെ.പി. ശ്രീശന്, സംസ്ഥാന ജനറല്സെക്രട്ടറിമാരായ എ.എന്. രാധാകൃഷ്ണന്, എം.ടി. രമേശ്, കെ. സുരേന്ദ്രന്, സംസ്ഥാന സെക്രട്ടറി അഡ്വ. ബി. ഗോപാലകൃഷ്ണന്, ദേശീയ സമിതി അംഗം ചേറ്റൂര് ബാലകൃഷ്ണന് മാസ്റ്റര്, കര്ഷകമോര്ച്ച ദേശീയ സെക്രട്ടറി പി.സി. മോഹനന് മാസ്റ്റര്, യുവമോര്ച്ച സംസ്ഥാന പ്രസിഡന്റ് അഡ്വ. കെ.പി. പ്രകാശ്ബാബു, ഒബിസി മോര്ച്ച സംസ്ഥാന ജനറല് സെക്രട്ടറി പി. പീതാംബരന്, പട്ടികജാതിമോര്ച്ച സംസ്ഥാന സെക്രട്ടറി ബി.കെ. പ്രേമന്, കര്ഷകമോര്ച്ച സംസ്ഥാന സെക്രട്ടറി ഹരിദാസന് പൊക്കിണാരി, എന്ടിയു സംസ്ഥാന പ്രസിഡന്റ് ടി.എ. നാരായണന് മാസ്റ്റര്, എല്ജെപി സംസ്ഥാന പ്രസിഡന്റ് മെഹബൂബ്, സോഷ്യലിസ്റ്റ് ജനതാദള് പ്രസിഡന്റ് സുരേഷ്ബാബു, ജെഎസ്എസ് ജില്ലാ ജനറല്സെക്രട്ടറി പ്രകാശന് മാസ്റ്റര്, ബിഡിജെഎസ് ജില്ലാപ്രസിഡന്റ് ഗിരി പാമ്പനാല്, ബിജെപി മേഖലാപ്രസിഡന്റ് വി.വി. രാജന്, മേഖലാ ജനറല്സെക്രട്ടറി പി. രഘുനാഥ്, ജില്ലാഭാരവാഹികളായ ടി. വാസുദേവന്, എം.സി. ശശീന്ദ്രന്, ടി.പി. സുരേഷ്, അഡ്വ. സുധീര്, സി. അമര്നാഥ്, പി. രമണീഭായ്, ബിന്ദു, ശോഭാരാജന് തുടങ്ങിയവര് ചടങ്ങില് പങ്കെടുത്തു. ബിജെപി ജില്ലാജനറല്സെക്രട്ടറി പി. ജിജേന്ദ്രന് സ്വാഗതം പറഞ്ഞു.
കോഴിക്കോട് സ്നേഹാഞ്ജലി ഓഡിറ്റോറിയത്തിലെ സ്വീകരണവേദിയിലേക്ക് നിയുക്ത എംഎല്എ ഒ. രാജഗോപാലിനെ ആനയിക്കുന്ന
