ഉളിക്കല്: തിരൂര് അപകടത്തില് കയ്യുംമെയ്യും മറന്ന് നാട്ടുകാര് രംഗത്ത്. അപകടം നടന്ന സമയം മുതല് കുട്ടികളുടെ സംസ്കാര ശുശ്രൂഷ കഴിയുന്നത്വരെ കക്ഷി രാഷ്ടീയത്തിനതീതമായി തങ്ങളുടെ കുടുംബത്തിനാണിത് സംഭവിച്ചിരിക്കുന്നതെന്ന് കണക്കിലെടുത്ത് ഒരോരുത്തരും അവരവരെ ഏല്പ്പിച്ച ജോലികള് സ്വയം ഏറ്റെടുത്ത് നടത്തി. പോലീസിനോടൊപ്പം ചേര്ന്ന് ട്രാഫിക്ക് നിയന്ത്രിച്ചു. കാണാന് എത്തുന്നവര്ക്ക് വേണ്ട സൗകര്യം ചെയ്തുകൊടുത്തു. സംസ്കാര ചടങ്ങിന് എത്തിയവര്ക്ക് കുടിവെള്ളം വിതരണം ചെയ്തും ഇവര് മാതൃകയായി.
















