യു. അരുണ്
കോഴിക്കോട്: ഇന്ത്യന് രാഷ്ട്രീയത്തിന്റെ നാല് പതിറ്റാണ്ടുകളിലെ ഫോട്ടോ പ്രദര്ശനം കാണികള്ക്ക് കാണാകാഴ്ചകളുടെ കൗതുകലോകം സമ്മാനിക്കുകയാണ്. ഇന്ത്യന് രാഷ്ട്രീയം നാല്പതിറ്റാണ്ടുകള് എന്ന് പേരില് കോഴിക്കോട് ലളിതകലാ അക്കാദമ#ി ആര്ട് ഗ്യാലറിയില് നടക്കുന്ന പ്രദര്ശനം സംഘടിപ്പിച്ചിരിക്കുന്നത്. കാലിക്കറ്റ് പ്രസ്ക്ലബ്ബിന്റെയും എംബി അസോസിയേഷന്റെയും ആഭിമുഖ്യത്തിവല് പി. മുസ്തഫയുടെതാണ് ഫോട്ടോപ്രദര്ശനം. മുന് മന്ത്രിയും മുന് ഗവണറുമായ കെ. ശങ്കരനാരായണന് ഇന്നലെ പ്രദര്ശനം ഉദ്ഘാടനം ചെയ്തു. 20 വര്ഷം മുന്മ്പുള്ള താടിയിം മീശയും ഇല്ലാത്ത പ്രധാനമന്ത്രി നരേന്ദ്രമേദിയുടെ ഫോട്ടോയും തെരഞ്ഞെടുപ്പ് പ്രചരണത്തിനിടയില് വിമാനത്തില് ഉറങ്ങുന്ന മുന് പ്രധാനമന്ത്രി വാജ്പേയിയും അടുക്കളയില് പാചകം ചെയ്യുന്ന വാജ്പേയുടെ ഫോട്ടോയും അതുപോലെ 1991ലെ ബിജെപി അഖിലേന്ത്യ യോഗത്തിനിടെ വാജ്പേയിയുടെ തമാശകേട്ട് പൊട്ടിച്ചിരിക്കുന്ന അഖിലേന്ത്യ വൈസ്പ്രസിഡന്റ് വിജയരാജെസിന്ധ്യയും ബിജെപി നിയുക്ത എംഎല് എ ഒ. രാജഗോപാലിന്റെ ഫോട്ടോയുമെല്ലാം കാണികള്ക്ക് ഏറെ കൗതുകം സമ്മാനിക്കുന്നു. 1994ല് പാര്ലമെന്റിനകത്ത് നില്ക്കുന്ന ഒ. രാജഗോപാലിന്റെ ചിത്രവും പ്രദര്ശനത്തിലുണ്ട്. സാഹിത്യകാരന് മാരായ ഒ.വി. വിജയന്, വൈക്കം മുഹമ്മദ് ബഷീര് , എം.ടി. വാസുദേവന് നായര്, കായിക താരം പി.ടി. ഉഷ, സിനിമാതാരങ്ങളായ അമിതാബച്ചന്, രജനികാന്ത്, മമ്മൂട്ടി, ജയറാം, ഐശ്വര്യാറായ്, കലാഭവന് മണി സംവിധായകന് അടൂര് ഗോപാലകൃഷണന്, ഗായകന് യേശുദാസ് തുടങ്ങിയവര് വിവിധ രാഷ്ട്രീയ നേതാക്കളോടൊപ്പം നില്ക്കുന്ന ചിത്രങ്ങും പ്രദര്ശനത്തില് ഇടം നേടിയിട്ടുണ്ട്. 1995ല് ആന്ധ്രയിലെ രാഷ്ട്രീയ പ്രതിസന്ധി പരിഹരിക്കുന്നതിനായി രജനീകാന്തിനോട് ഉപദേശം തേടുന്ന ആന്ധ്രമുഖ്യമന്ത്രി എന്.ടി. രാമറാവും മലപ്പുറത്ത് തിരൂര് ആലത്തിയൂര് ഹനുമാന് ക്ഷേത്രത്തില് ദര്ശനത്തിനായി എത്തിയ മുഖ്യമന്ത്രി ജയലളിതയുടെ ചിത്രവുമെല്ലാം പ്രദര്ശനത്തിന് മാറ്റ് കൂട്ടുന്നുണ്ട്. 1993ല് മൈസൂര് മുതല് ഭോപ്പാല് വരെ എല്.കെ അദ്വാനി നടത്തിയ രഥയാത്രയും 1992ല് മുരളി മനോഹര് ജോഷി കന്യാകുമാരി മുതല് കാശ്മീര് വരെ നടത്തിയ ഏകതാ യാത്രയും പ്രദര്ശനത്തിലുണ്ട്. കോഴിക്കോട് മാനാഞ്ചിറയിലും മറ്റും നടത്തിയിട്ടുള്ള സമ്മേളനങ്ങള് പണ്ടത്തെ വോട്ടിങ്ങ് ബൂത്തുകള്, വിജയാഹ്ലാദ പ്രകടനങ്ങളുടെ ചിത്രങ്ങള് എന്നിവയും ഉണ്ട്. കാണികളെ വര്ഷങ്ങളുടെ പിന്നോട്ട് കൊണ്ടുപോകുന്നതും കൗതുകകരവുമായ ഈ പ്രദര്ശനം ജൂണ് മൂന്നിന് സമാപിക്കും.
