തിരുവനന്തപുരം: സായിഗ്രാമത്തിലെ സത്യസായി ക്ഷേത്രത്തില് ചുവര്ചിത്രകാരന് തോന്നയ്ക്കല് പ്രിന്സിന്റെ നേതൃത്വത്തില് കലാകാരന്മാര്
സത്യസായി ക്ഷേത്രത്തില് നടക്കുന്ന ചുമര്ചിത്ര രചനയുടെ ഒന്നാംഘട്ടം പൂര്ത്തിയായതിന്റെ ഉദ്ഘാടനം നടന് ജയസൂര്യ നിര്വഹിച്ചപ്പോള്
നടത്തിവരുന്ന കേരളത്തിലെ ഏറ്റവും വലിയ ചുമര്ചിത്ര രചനയുടെ ഒന്നാംഘട്ടം പൂര്ത്തിയായതിന്റെ ഉദ്ഘാടനം നടന് ജയസൂര്യ നിര്വഹിച്ചു.തോന്നയ്ക്കല് സായിഗ്രാമം സഹോദര്യത്തിന്റെയും പരസ്പര സ്നേഹത്തിന്റെയും ഉത്തമ മാതൃകയാണെന്ന് ജയസൂര്യ പറഞ്ഞു. സായിഗ്രാമത്തില്നിന്ന് തന്നെപോലെയുള്ള കലാകാരന്മാര്ക്ക് മറ്റുള്ളവര്ക്കായി ജീവിക്കാന് പ്രേരണ ലഭിക്കുന്നുവെന്നും ജയസൂര്യ പറഞ്ഞു. സായി ക്ഷേത്രത്തില് ഭാഗവതം ആസ്പദമാക്കി ശ്രീകൃഷ്ണ ഭഗവാന്റെ ജനനം മുതല് സ്വര്ഗാരോഹണം വരെയുള്ള ജീവിതമാണ് ചിത്രീകരിച്ചിരിക്കുന്നത്. ഇതിന്റെ ഒന്നാംഘട്ടമാണ് പൂര്ത്തിയായത്. രണ്ടാംഘട്ടം കൂടിയാകുമ്പോള് കേരളത്തിലെ ഏറ്റവുംവലിയ ചുമര്ചിത്ര രചനയാവും ഇത്. അക്രലിക് കളര്കൊണ്ട് നേരിട്ട് ചുമരില് ചിത്രരചന നടത്തുന്ന രീതിയാണ് പ്രസിദ്ധ ചുമര്ചിത്രകാരനായ പ്രിന്സ് തോന്നയ്ക്കലിന്റെ നേതൃത്വത്തില് അവലംഭിച്ചിട്ടുള്ളത്. ചടങ്ങില് ട്രസ്റ്റ് ആക്ടിംഗ് ചെയര്പേഴ്സണ് ഡോ. എം. സുഭദ്രാനായര് അധ്യക്ഷയായിരുന്നു. ചുമര്ചിത്ര കലാകാരന്മാരെ ചടങ്ങില് ആദരിച്ചു. സായിഗ്രാമം സംഘടിപ്പിച്ച വേനല്മഴ അവധിക്കാല ക്യാമ്പിലെ കുട്ടികള്ക്ക് സൗജന്യ പഠനോപകരണങ്ങള് വിതരണം ചെയ്തു. ചടങ്ങില് ട്രസ്റ്റ് സീനിയര് വൈസ് ചെയര്മാന് കെ. ഗോപകുമാരന്നായര്, ട്രസ്റ്റ് ബോര്ഡ് മെമ്പര് ശ്രീകാന്ത് പി. കൃഷ്ണന്, ബിസിസിഐ സെക്രട്ടറി എ.കെ. നായര്, സി.കെ. രവി എന്നിവര് പങ്കെടുത്തു.
